20 ರೂ.ಗಾಗಿ ಪಾನಿಪುರಿ ವ್ಯಾಪಾರಿಗೆ ಚೂರಿಯಿಂದ ಇರಿದ ವ್ಯಕ್ತಿ!

•   Mon, Jan 23 2023 11:22:02 AM



• ನಾಗ್ಪುರ, ಜ 23 (DaijiworldNews/HR): ಮಹಾರಾಷ್ಟ್ರದ ನಾಗ್ಪುರದಲ್ಲಿ ಕೇವಲ 20 ರೂ.ಗಾಗಿ ವ್ಯಕ್ತಿಯೊಬ್ಬ ಪಾನಿಪುರಿ ವ್ಯಾಪಾರಿಗೆ ಚೂರಿ ಇರಿದ ಘಟನೆ ನಡೆದಿದೆ.

  ರಸ್ತೆ ಪಕ್ಕ ಪಾನಿಪುರಿ ವ್ಯಾಪಾರ ಮಾಡುವ ಜೈರಾಮ್ ಗುಪ್ತಾ , ಪಕ್ಕದಲ್ಲಿರುವ ಅಂಗಡಿಯಲ್ಲಿ ಕೆಲಸ ಮಾಡುವ ವ್ಯಕ್ತಿಗೆ ಬಾಕಿಯಿರುವ 20 ರೂ. ಪಾವತಿಸುವಂತೆ ಹೇಳಿದ್ದು, ಇದಕ್ಕೆ ಮತ್ತೆ ಪಾವತಿಸುತ್ತೇನೆ ಎಂದು ಸ್ವಲ್ಪ ಸಿಟ್ಟಿನಲ್ಲೇ ವ್ಯಕ್ತಿ ಹೇಳಿದ್ದಾನೆ. ಇದು ಇಬ್ಬರ ನಡುವೆ ವಾಗ್ವಾದಕ್ಕೆ ಕಾರಣವಾಗಿ, ಅಂಗಡಿಯಲ್ಲಿ ಕೆಲಸ ಮಾಡುವ ವ್ಯಕ್ತಿ ಚೂರಿಯಿಂದ ಪಾನಿಪುರಿ ವ್ಯಾಪಾರಿಗೆ ಇರಿದಿದ್ದಾನೆ.

  ಇನ್ನು ಪಾನಿಪುರಿ ವ್ಯಾಪಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಆರೋಪಿ ವಿರುದ್ಧ ಕೊಲೆ ಯತ್ನದ ಪ್ರಕರಣವನ್ನು ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.