ಬೈಕ್ ಸವಾರರ ಮೇಲೆ ಕಾಡುಕೋಣ ದಾಳಿ -ಇಬ್ಬರಿಗೆ ಗಂಬೀರ ಗಾಯ

•   Fri, Jan 27 2023 11:52:06 AM



• ಬಣಕಲ್ ಜ 27 ( DaijiworldNews/MS): ಬೈಕ್ ನಲ್ಲಿ ಸಂಚರಿಸುತ್ತಿದ್ದವರ ಮೇಲೆ ಕಾಡುಕೋಣ ದಾಳಿ ನಡೆಸಿದ ಘಟನೆ ಬಣಕಲ್ ನ ಮತ್ತಿಕಟ್ಟೆ ರಸ್ತೆಯಲ್ಲಿ ನಡೆದಿದೆ.

  ಬೈಕ್ ನಲ್ಲಿ ಹೋಗುತ್ತಿದ್ದ ವೇಳೆ ಕಾಡುಕೋಣ ಏಕಾಏಕಿ ದಾಳಿ ನಡೆಸಿದ್ದು, ಬೈಕ್ ಸವಾರರರಾದ ದಿಲೀಪ್ ಮತ್ತು ಆಶಾ ಗಂಭೀರ ಗಾಯಗೊಂಡಿದ್ದಾರೆ.

  ಇವರಿಬ್ಬರು ರಾತ್ರಿ ಹೀರೋ ಹೊಂಡಾ ಬೈಕ್ ನಲ್ಲಿ ಮತ್ತಿಗಟ್ಟೆ ಸಮೀಪದ ಕಲ್ಯಾಣ ಗದ್ದೆಗೆ ತೆರಳುತ್ತಿದ್ದಾಗ ಕಾಡುಕೋಣ ಧಿಡೀರ್ ದಾಳಿ ನಡೆಸಿದೆ.

  ಗಾಯಾಳುಗಳನ್ನು ಮೂಡಿಗೆರೆ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಕಾಡುಕೋಣ ದಾಳಿಗೆ ಬೈಕ್ ಸಂಪೂರ್ಣ ನಜ್ಜುಗುಜ್ಜಾಗಿದೆ. ಬಣಕಲ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.