ಭವಾನಿ ರೇವಣ್ಣಗೆ ಸಿ.ಟಿ. ರವಿಯಿಂದ ಬಿಜೆಪಿ ಟಿಕೆಟ್ ಆಫರ್!

•   Fri, Jan 27 2023 03:40:26 PM



• ಚಿಕ್ಕಮಗಳೂರು, ಜ 27 (DaijiworldNews/DB): ಜೆಡಿಎಸ್‌ನಲ್ಲಿ ಟಿಕೆಟ್‌ಗಾಗಿ ನಡೆಯುತ್ತಿರುವ ಫೈಟ್‌ ನಡುವೆ ಭವಾನಿ ರೇವಣ್ಣ ಅವರಿಗೆ ಸಿ.ಟಿ. ರವಿ ಅವರು ಬಿಜೆಪಿ ಟಿಕೆಟ್‌ ಆಫರ್ ನೀಡಿದ್ದಾರೆ.

  ಚಿಕ್ಕಮಗಳೂರಿನಲ್ಲಿ ಮಾತನಾಡಿದ ಸಿ.ಟಿ. ರವಿ, ಹಾಸನ ಕ್ಷೇತ್ರದಿಂದ ತಾನೇ ಜೆಡಿಎಸ್ ಅಭ್ಯರ್ಥಿ ಎಂದು ಸಹೋದರಿ ಭವಾನಿ ರೇವಣ್ಣ ಹೇಳಿದ್ದಾರೆ. ಆದರೆ ಅಲ್ಲಿ ಬೇರೆ ಅಭ್ಯರ್ಥಿ ನಿಲ್ಲಿಸುವ ಬಗ್ಗೆ ಕುಮಾರಸ್ವಾಮಿ ಹೇಳಿದ್ದಾರೆ. ಭವಾನಿ ಅವರು ಬಿಜೆಪಿಗೆ ಬಂದರೆ ಅವರಿಗೆ ಸ್ವಾಗತ. ಅವರು ಬಂದಲ್ಲಿ ಹೊಳೆನರಸಿಪುರದಿಂದ ಅವರನ್ನು ಬಿಜೆಪಿ ಅಭ್ಯರ್ಥಿಯಾಗಿ ಕಣಕ್ಕಿಳಿಸುತ್ತೇವೆ ಎಂದಿದ್ದಾರೆ.

  ಭವಾನಿ ಅವರಿಗಿಂತ ಒಳ್ಳೆ ಅಭ್ಯರ್ಥಿ ಹೊಳೆನರಸೀಪುರಕ್ಕೆ ಬೇರಾರಿಲ್ಲ. ಅವರು ಪಕ್ಷಕ್ಕೆ ಬಂದಲ್ಲಿ ಖಂಡಿತಾ ಈ ಆಫರ್‌ನ್ನು ಅವರಿಗೆ ನೀಡುತ್ತೇವೆ. ರೇವಣ್ಣ ಮತ್ತು ಭವಾನಿ ಅವರ ನಡುವೆ ಗಲಾಟೆ ಹಚ್ಚುವ ಕೆಲಸಕ್ಕೆ ನಾನು ಮುಂದಾಗುವುದಿಲ್ಲ. ಹಾಸನದ ರಾಜಕೀಯವನ್ನು ಹತ್ತಿರದಿಂದ ನೋಡಿದ್ದೇನೆ ಎಂದವರು ತಿಳಿಸಿದರು.