'ಸಿದ್ದರಾಮಯ್ಯರಿಗೆ ತಾಕತ್ತಿದ್ದರೆ ಸ್ವಂತ ಪಕ್ಷ ಕಟ್ಟಿ 5 ಸೀಟು ಗೆದ್ದು ತೋರಿಸಲಿ' -ಎಚ್‌‌ಡಿಕೆ

•   Sat, Jan 28 2023 02:00:16 PM



• ರಾಯಚೂರು, ಜ 28 (DaijiworldNews/HR): ಸಿದ್ದರಾಮಯ್ಯ ಅವರಿಗೆ ತಾಕತ್ತಿದ್ದರೆ ಸ್ವಂತ ಪಕ್ಷ ಕಟ್ಟಿ ಐದು ಸೀಟು ಗೆದ್ದು ತೋರಿಸಲಿ ಎಂದು ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿದ ಅವರು, ಡಿ.ಕೆ ಶಿವಕುಮಾರ್ ಮತ್ತು ಸುಳ್ಳಿನ ರಾಮಯ್ಯನವರೇ ಈ ಚುನಾವಣೆ ನಂತರ ಜೆಡಿಎಸ್ ದೇಶದಲ್ಲಿ ಬೆಳಗಲಿದೆ. ಜನ ತಿರುಗಿ ನೋಡುವಂತೆ ಮಾಡುವೆ. ನಮ್ಮ ಬಗ್ಗೆ ಲಘುವಾಗಿ ಮಾತನಾಡಿ ಇರುವ ಸೀಟು ಕಳೆದುಕೊಳ್ಳುತ್ತೀರಿ. ನನ್ನ ಟೀಕೆ ಮಾಡಿದಷ್ಟು ನಿಮಗೆ ಹಾನಿ ಎಂದರು.

  ಇನ್ನು ಸಿದ್ದರಾಮಯ್ಯರಿಗೆ ಇದು ಕೊನೆ ಚುನಾವಣೆ ಎಂಬ ಅವರ ಮಗನ‌ ಹೇಳಿಕೆ ಸರಿಯಿದ್ದು, ಕೋಲಾರದಲ್ಲಿ ನಿಂತರೆ ಇದೇ ಕೊನೆ ಚುನಾವಣೆಯಾಗಲಿದೆ. ಕಾಂಗ್ರೆಸ್ ಬಿಜೆಪಿಯವರು ಮೊದಲ ಪಟ್ಟಿ ಬಿಡುಗಡೆ ಮುನ್ನವೇ ನಾನು ನಮ್ಮ ಪಕ್ಷದಿಂದ ಅಭ್ಯರ್ಥಿಗಳ ಎರಡನೇ ಪಟ್ಟಿ ಬಿಡುಗಡೆ ಮಾಡುವೆ ಎಂದು ಹೇಳಿದ್ದಾರೆ.