ಗರ್ಲ್ ಫ್ರೆಂಡ್ ಜತೆ ಬ್ರೇಕಪ್ - 40 ಲಕ್ಷ ರೂ. ಕಾರಿಗೆ ಬೆಂಕಿ ಇಟ್ಟ ಪ್ರಿಯಕರ

•   Sat, Jan 28 2023 05:40:10 PM



• ತಮಿಳುನಾಡು, ಜ 28 (DaijiworldNews/HR): ಗರ್ಲ್ ಫ್ರೆಂಡ್ ಜತೆ ಬ್ರೇಕಪ್ ಆಗಿದ್ದಕ್ಕೆ 40 ಲಕ್ಷ ರೂಪಾಯಿಯ ಮರ್ಸಿಡೀಸ್ ಬೆನ್ಸ್ ಕಾರಿಗೆ ಬೆಂಕಿ ಇಟ್ಟಿರುವ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

  ಸಾಂದರ್ಭಿಕ ಚಿತ್ರ

  ಕೆವಿನ್(28) ಸ್ಥಳೀಯ ಆಸ್ಪತ್ರೆಯಲ್ಲಿ ವೈದ್ಯನಾಗಿದ್ದು, ಕಾಲೇಜಿನಲ್ಲಿ ಓದುತ್ತಲೇ ಕೆಲಸವನ್ನೂ ಮಾಡುತ್ತಿದ್ದ ಕೆವಿನ್ ಅದೇ ಕಾಲೇಜಿನ ಯುವತಿಯನ್ನು ಪ್ರೀತಿಸುತ್ತಿದ್ದ.ಇಬ್ಬರು ಲಾಂಗ್ ಡ್ರೈವ್ ಹೋಗಿದ್ದು, ಕೆರೆ ಬಳಿ ಕಾರ್‌ನಿಂದ ಕೆಳಗಿಳಿದು ಜಗಳ ಆಡಿದ್ದಾರೆ.

  ಇನ್ನು ಪ್ರೇಯಸಿ ಜತೆ ಜಗಳ ಆಗಿ ಬ್ರೇಕಪ್ ಆದ ನಂತರ ಸಿಟ್ಟಿನಲ್ಲಿ ಬಂದು ತನ್ನ ಐಶಾರಾಮಿ ಕಾರಿಗೆ ಬೆಂಕಿ ಇಟ್ಟಿದ್ದಾನೆ ಎನ್ನಲಾಗಿದೆ.

  ಸ್ಥಳೀಯರು ಅಗ್ನಿಶಾಮಕದಳಕ್ಕೆ ಕರೆ ಮಾಡಿದ್ದಾರೆ. ಆದರೆ ಅವರು ಬರುವಷ್ಟರಲ್ಲಿ ಕಾರು ಸುಟ್ಟು ಕರಕಲಾಗಿದೆ ಎಂದು ವರದಿಯಾಗಿದೆ.