ವಿಮಾನದಲ್ಲಿ ಸಿಬ್ಬಂದಿ ಮೇಲೆ ಹಲ್ಲೆ - ಇಟಾಲಿಯನ್ ಮಹಿಳೆ ಅರೆಸ್ಟ್

•   Tue, Jan 31 2023 10:15:32 AM



• ನವದೆಹಲಿ, ಜ 31 (DaijiworldNews/HR): ಅಬುಧಾಬಿಯಿಂದ ಮುಂಬೈಗೆ ತೆರಳುತ್ತಿದ್ದ ಯುಕೆ 256, ಏರ್ ವಿಸ್ತಾರಾ ವಿಮಾನದಲ್ಲಿ ಸಿಬ್ಬಂದಿ ಮೇಲೆ ಹಲ್ಲೆ ನಡೆಸಿದ ಇಟಾಲಿಯನ್ ಮಹಿಳಾ ಪ್ರಯಾಣಿಕರೊಬ್ಬರನ್ನು ಮುಂಬೈನ ಸಹರ್ ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.

  ಬಂಧಿತ ಮಹಿಳೆಯನ್ನು ಇಟಲಿಯ ಪಾವೊಲಾ ಪೆರುಸಿಯೊ ಎಂದು ಗುರುತಿಸಲಾಗಿದೆ.

  ಎಕಾನಮಿ ಟಿಕೆಟ್ ಹೊಂದಿದ್ದರೂ ಬಿಸಿನೆಸ್ ಕ್ಲಾಸ್‌ನಲ್ಲಿ ಕುಳಿತುಕೊಳ್ಳುವಂತೆ ವಿಮಾನದ ಸಿಬ್ಬಂದಿಯನ್ನು ಒತ್ತಾಯಿಸಿದರು ಎನ್ನಲಾಗಿದೆ.

  ಇನ್ನು ಸಿಬ್ಬಂದಿಯ ಮೇಲೆ ಹಲ್ಲೆ ನಡೆಸಿದ್ದು, ಕೆಲವು ಬಟ್ಟೆಗಳನ್ನು ಬಿಚ್ಚಿದರು ಮತ್ತು ಭಾಗಶಃ ನಗ್ನ ಸ್ಥಿತಿಯಲ್ಲಿ ವಿಮಾನದಲ್ಲಿ ಮೇಲಕ್ಕೆ ಮತ್ತು ಕೆಳಗೆ ಎಗರಡಿದರು ಎಂದು ವಿಮಾನದ ಸಿಬ್ಬಂದಿ ಆರೋಪಿಸಿದ್ದಾರೆ.

  ಜನವರಿ 30ರಂದು ಮುಂಬೈಗೆ ಬಂದಿಳಿದ ಏರ್ ವಿಸ್ತಾರಾ ವಿಮಾನ ಯುಕೆ 256 ರ ಕ್ಯಾಬಿನ್ ಸಿಬ್ಬಂದಿಯಿಂದ ಮುಂಬೈ ಪೊಲೀಸರಿಗೆ ದೂರು ಬಂದಿದ್ದು, ಆಕೆಯನ್ನು ಬಂಧಿಸಲಾಗಿದೆ.