ಶೋಧ ಕಾರ್ಯಾಚರಣೆ ವೇಳೆ ಐಇಡಿ ಸ್ಪೋಟ-ಮೂವರು ಸಿಆರ್‌ಪಿಎಫ್‌ ಸಿಬಂದಿಗೆ ಗಂಭೀರ ಗಾಯ

•   Thu, Feb 02 2023 03:48:03 PM



• ಚೈಬಾಸಾ, ಫೆ 02 (DaijiworldNews/DB): ಶೋಧ ಕಾರ್ಯಾಚರಣೆ ವೇಳೆ ಐಇಡಿ ಸ್ಪೋಟಗೊಂಡು ಮೂವರು ಸಿಆರ್‌ಪಿಎಫ್ ಸಿಬಂದಿ ಗಂಭೀರ ಗಾಯಗೊಂಡ ಘಟನೆ ಜಾರ್ಖಂಡ್‌ನ ಚೈಬಾಸಾದಲ್ಲಿ ಗುರುವಾರ ನಡೆದಿದೆ.

  
  ಸಾಂದರ್ಭಿಕ ಚಿತ್ರ 

  ಗಾಯಾಳು ಯೋಧರನ್ನು ರಾಂಚಿಯ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಮೂವರ ಸ್ಥಿತಿಯೂ ಸ್ಥಿರವಾಗಿದೆ ಎಂದು ತಿಳಿದು ಬಂದಿದೆ. 209 ಕೋಬ್ರಾ ಮತ್ತು ಜಾರ್ಖಂಡ್ ಪೊಲೀಸರ ಜಂಟಿ ತಂಡವು ಜೋಕಿಪಾನಿ, ನವಟೋಲಿ, ಲತೇಹರ್ ಅರಣ್ಯ ಪ್ರದೇಶದಲ್ಲಿ ಶೋಧ ಕಾರ್ಯಾಚರಣೆ ನಡೆಸುತ್ತಿತ್ತು. ಈ ವೇಳೆ ಐಇಡಿ ಸ್ಪೋಟಗೊಂಡು ಸಿಆರ್‌ಪಿಎಫ್ ಸಿಬಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

  ಶೋಧ ಕಾರ್ಯಾಚರಣೆ ವೇಳೆ ದೊಡ್ಡ ಪ್ರಮಾಣದ ಮದ್ದುಗುಂಡುಗಳನ್ನ ವಶಪಡಿಸಿಕೊಳ್ಳಲಾಗಿದೆ. 5.56 ಐಎನ್‌ಎಸ್‌ಎಎಸ್ ಎಲ್‌ಎಂಜಿ, ಎರಡು 7.62 ಎಸ್‌ಎಲ್‌ಆರ್ ರೈಫಲ್'ಗಳು, ಒಂದು 5.56 ಐಎನ್‌ಎಸ್‌ಎಎಸ್ ರೈಫಲ್ ಮತ್ತು 13 ನಿಯತಕಾಲಿಕೆಗಳನ್ನು ತಂಡ ವಶಪಡಿಸಿಕೊಂಡಿದೆ.