ಅದಾನಿ ಕಂಪೆನಿ ವಿಚಾರವಾಗಿ ವಿಪಕ್ಷಗಳ ಗದ್ದಲ-ಸದನ ಮುಂದೂಡಿಕೆ

•   Fri, Feb 03 2023 04:13:50 PM



• ನವದೆಹಲಿ, ಫೆ 03 (DaijiworldNews/DB): ಅದಾನಿ ಕಂಪೆನಿ ವಿರುದ್ದದ ಆರೋಪ ವಿಚಾರವಾಗಿ ಸದನದಲ್ಲಿ ಪ್ರತಿಪಕ್ಷಗಳು ಗದ್ದಲ ನಡೆಸಿದ ಹಿನ್ನೆಲೆಯಲ್ಲಿ ಲೋಕಸಭೆ ಮತ್ತು ರಾಜ್ಯಸಭೆಯ ಎರಡೂ ಸದನಗಳನ್ನು ಸೋಮವಾರಕ್ಕೆ ಮುಂದೂಡಲಾಗಿದೆ.

  ಕನಿಷ್ಠ 16 ವಿಪಕ್ಷಗಳು ಅದಾನಿ ಕಂಪೆನಿ ವಿರುದ್ದದ ಆರೋಪ ವಿಚಾರವಾಗಿ ಒಟ್ಟು ಸೇರಿ ಗದ್ದಲ ಎಬ್ಬಿಸಿದವು. ಅಲ್ಲದೆ, ತತ್‌ಕ್ಷಣ ಈ ವಿಚಾರವಾಗಿ ಸಮಗ್ರ ಚರ್ಚೆ ನಡೆಸಬೇಕೆಂದು ಒತ್ತಾಯಿಸಿದವು. ಜಂಟಿ ಸಂಸದೀಯ ಸಮಿತಿ ತನಿಖೆ ಅಥವಾ ಸುಪ್ರೀಂ ಕೋರ್ಟ್ ಮೇಲ್ವಿಚಾರಣೆಯ ಸಮಿತಿಯಡಿಯೇ ತನಿಖೆ ಆಗಬೇಕೆಂದು ವಿಪಕ್ಷಗಳು ಪಟ್ಟು ಹಿಡಿದವು.

  ಹೀಗಾಗಿ ವಿಪಕ್ಷಗಳು ಮತ್ತು ಆಡಳಿತ ಪಕ್ಷದ ಸದಸ್ಯರ ನಡುವೆ ತೀವ್ರ ಗದ್ದಲ ಏರ್ಪಟ್ಟಿತು. ಕೊನೆಗೆ ಸಂಸತ್ತಿನ ಉಭಯ ಸದನಗಳನ್ನು ಸೋಮವಾರಕ್ಕೆ ಮುಂದೂಡಿ ಸ್ಪೀಕರ್‍ ಆದೇಶ ಹೊರಡಿಸಿದರು.