'ಪಂಚರತ್ನ ಪಂಚರ್ , ಪ್ರಜಾಧ್ವನಿ ಬ್ರೇಕ್ ಫೇಲ್ '- ನಳಿನ್ ವ್ಯಂಗ್ಯ

•   Sun, Feb 05 2023 05:03:20 PM



• ಶಿವಮೊಗ್ಗ, ಫೆ 06 ( DaijiworldNews/MS): ಜೆಡಿಎಸ್ ನ ಪಂಚರತ್ನ ಪಂಚರ್ ಆಗಿದ್ದು, ಕಾಂಗ್ರೆಸ್ ನ ಪ್ರಜಾಧ್ವನಿ ಬ್ರೇಕ್ ಫೇಲ್ ಆಗಿದ್ದು, ಜೆಡಿಎಸ್ ಈಗಾಗಲೇ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬರುತ್ತದೆ ಎಂದು ಒಪ್ಪಿಕೊಂಡಿದೆ ಎಂದು ರಾಜ್ಯ ಬಿಜೆಪಿ ಘಟಕ ಅಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲ್‌ ಹೇಳಿದ್ದಾರೆ.

  ಶಿವಮೊಗ್ಗದಲ್ಲಿ ನಡೆಯುತ್ತಿರುವ ಪೇಜ್ ಪ್ರಮುಖ್ ಸಮಾವೇಶದಲ್ಲಿ ಮಾತನಾಡಿದ ಅವರು, "ಸಿಎಂ ಆಗಿ ಪ್ರಹ್ಲಾದ್‌ ಜೋಶಿ , 9  ಮಂದಿ ಡಿಸಿಎಂ ಮಾಡಲು ಆರ್‌ ಎಸ್‌ ಎಸ್‌ ಹುನ್ನಾರ ನಡೆಸುತ್ತಿದೆ" ಎಂದು ಹೆಚ್.‌ ಡಿ ಕುಮಾರಸ್ವಾಮಿ ಆರೋಪಕ್ಕೆ ತಿರುಗೇಟು ನೀಡಿ ಮಾತನಾಡಿ ಜೆಡಿಎಸ್‌ 20 ಸ್ಥಾನ ಕೂಡ ಗೆಲ್ಲಲ್ಲ. ಕುಮಾರಸ್ವಾಮಿ 9 ಡಿಸಿಎಂ ಅಂತ ಅವರ ಮನೆ ನೋಡಿ ಹೇಳಿರಬೇಕು. ಹೆಚ್.ಡಿಕೆ ಒಡೆದು ಆಳುವ , ಕುಟುಂಬ ರಾಜಕಾರಣ ಮಾಡುತ್ತಿದ್ದಾರೆ ಕುಮಾರಸ್ವಾಮಿಯವರು ಬಿಜೆಪಿ ಸರ್ಕಾರ ಬರುತ್ತದೆ ಎಂದು ಅವರು ಸ್ಪಷ್ಟವಾಗಿ ಒಪ್ಪಿಕೊಂಡರಲ್ಲ, ಅವರು ಹೇಳಿದ ಮೇಲೆ ಮುಗಿದು ಹೋಯ್ತು ಎಂದು ವ್ಯಂಗ್ಯವಾಡಿದ್ದಾರೆ.

  ಮುಂದಿನ ದಿನಗಳಲ್ಲಿ ಕಾಂಗ್ರೆಸ್ ಮೂರು ತುಂಡಾಗುತ್ತದೆ. ನಮ್ಮ ಮುಂದಿನ ಕಾರ್ಯ ಅಂತ್ಯೋದಯ. ಕಾಂಗ್ರೆಸ್ ಪ್ರಮುಖರ ಸಭೆ ಮಾಡೋದು ಬಿಡಿ, ರಾಜ್ಯದ ಸರಿಯಾದ ಕಮಿಟಿ ಇಲ್ಲ. ಕಾಂಗ್ರೆಸ್ ಒಂದು ಡಕೋಟಾ ಬಸ್ ಎಂದು ಲೇವಡಿ ಮಾಡಿದ್ದಾರೆ.