ಪ್ರೀತಿ ನಿರಾಕರಿಸಿದ ಅಪ್ರಾಪ್ತೆಯ ಜುಟ್ಟು ಹಿಡಿದು ಎಳೆದೊಯ್ದ ವ್ಯಕ್ತಿ!

•   Mon, Feb 20 2023 12:12:13 PM



• ರಾಯ್ಪುರ, ಫೆ 20 (DaijiworldNews/HR): ಛತ್ತೀಸ್‌ ಗಡದ ರಾಯ್ಪುರದಲ್ಲಿ ಪ್ರೀತಿಯನ್ನು ನಿರಾಕರಿಸಿದ ಅಪ್ರಾಪ್ತೆಯನ್ನು ಚೂರಿಯಿಂದ ಹಲ್ಲೆ ಮಾಡಿ, ಜುಟ್ಟು ಹಿಡಿದು ಎಳೆದೊಯ್ದ ಘಟನೆ ನಡೆದಿದೆ.

  ಓಂಕಾರ್ ತಿವಾರಿ(47) ಎಂಬಾತನ ಗುಧಿಯಾರಿ ಪ್ರದೇಶದಲ್ಲಿರುವ ದಿನಸಿ ಅಂಗಡಿಯಲ್ಲಿ 16 ವರ್ಷದ ಅಪ್ರಾಪ್ತ ಯುವತಿ ಕೆಲಸ ಮಾಡಿಕೊಂಡಿದ್ದು, ಓಂಕಾರ್ ತಿವಾರಿ ಅಪ್ರಾಪ್ತೆಯನ್ನು ಮದುವೆಯಾಗಲು ಬಯಸಿದ್ದರು. ಇದನ್ನು ಯುವತಿ ಬಳಿ ಹೇಳಿದಾಗ ಆಕೆ, ಅದನ್ನು ನಿರಾಕರಿಸಿ ಕೆಲಸ ಬಿಟ್ಟಿದ್ದಾಳೆ.

  ಇದೇ ಕಾರಣಕ್ಕೆ ಓಂಕಾರ್ ತಿವಾರಿ ಕುಡಿದ ಮತ್ತಿನಲ್ಲಿ ಯುವತಿಯನ್ನು ಮನೆಯಿಂದ ಹೊರಗೆ ಎಳೆದು, ಚೂರಿಯಿಂದ ಹಲ್ಲೆ ಮಾಡಿದ್ದಾನೆ. ತಪ್ಪಿಸಿಕೊಂಡು ಓಡಿದ ಯುವತಿಯ ಜಡೆ ಹಿಡಿದು ರಸ್ತೆಯಲ್ಲಿ ಎಳೆದೊಯ್ದಿದಿದ್ದು, ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  ಯುವತಿ ರಸ್ತೆಯಲ್ಲಿ ಕುಸಿದು ಬಿದ್ದಿದ್ದು, ಆಕೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವರದಿಯಾಗಿದೆ.