ಹವಾಮಾನ ವೈಪರೀತ್ಯ - ಲಡಾಖ್‌ನಲ್ಲಿ ಸಿಲುಕಿದ್ದ 275 ಪ್ರಯಾಣಿಕರ ಏರ್‌ಲಿಫ್ಟ್

•   Thu, Feb 23 2023 09:44:24 AM



• ಶ್ರೀನಗರ, ಫೆ 23(DaijiworldNews/HR): ಹವಾಮಾನ ವೈಪರೀತ್ಯ ಹಾಗೂ ಶ್ರೀನಗರ-ಲೇಹ್‌ ರಾಷ್ಟ್ರೀಯ ಹೆದ್ದಾರಿ ಬಂದ್‌ನಿಂದಾಗಿ ಜಮ್ಮು ಮತ್ತು ಕಾಶ್ಮೀರ ಹಾಗೂ ಲಡಾಖ್‌ನಲ್ಲಿ ಸಿಲುಕಿದ್ದ 275 ಪ್ರಯಾಣಿಕರನ್ನು ಏರ್‌ ಲಿಫ್ಟ್ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  ಕಳೆದ ಕೆಲವು ದಿನಗಳಿಂದ 2 ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಹವಾಮಾನ ವೈಪರೀತ್ಯವಿದ್ದ ಕಾರಣ, ಸಾರಿಗೆ ಅಡಚಣೆ ಎದುರಾಗಿದ್ದ ಕಾರಣ ಪ್ರಯಾಣಿಕರು ಸಿಲುಕುವಂತಾಗಿತ್ತು.

  ಇನ್ನು ಭಾರತೀಯ ವಾಯುಪಡೆಯ ಐಎಲ್‌-76 ವಿಮಾನದಲ್ಲಿ 193 ಪ್ರಯಾಣಿಕರನ್ನು ಜಮ್ಮುವಿನಿಂದ ಲೇಹ್‌ಗೆ ಹಾಗೂ ಎಎನ್‌-32 ವಿಮಾನದಲ್ಲಿ 57 ಪ್ರಯಾಣಿಕರನ್ನು ಕಾರ್ಗಿಲ್‌ನಿಂದ ಜಮ್ಮುವಿಗೆ ಹಾಗೂ ಕಾರ್ಗಿಲ್‌ನಿಂದ ಶ್ರೀನಗರಕ್ಕೆ ಏರ್‌ಲಿಫ್ಟ್ ಮಾಡಲಾಗಿದೆ.