ಸಿಲಿಂಡರ್ ರೀ ಫಿಲ್ಲಿಂಗ್ ವೇಳೆ ಸ್ಪೋಟ-ಬಾಲಕ ಸಾವು

•   Sun, Mar 05 2023 06:28:06 PM



• ಬೆಂಗಳೂರು, ಮಾ 05 (DaijiworldNews/DB):ಸಿಲಿಂಡರ್ ಸ್ಪೋಟಗೊಂಡು ಬಾಲಕ ಸಾವನ್ನಪ್ಪಿದ ಘಟನೆ ಹೆಬ್ಬಾಳ ಸಮೀಪದ ಗುಡ್ಡದಹಳ್ಳಿಯಲ್ಲಿ ಇಂದು ಬೆಳಗ್ಗೆ ನಡೆದಿದೆ.

  ಚೋಳನಾಯಕನಹಳ್ಳದಲ್ಲಿರುವ ಸರ್ಕಾರಿ ಶಾಲೆಯ 6ನೇ ತರಗತಿ ವಿದ್ಯಾರ್ಥಿಯಾಗಿರುವ ಮಹೇಶ್(13) ಮೃತ ಬಾಲಕ. ಸಿಲಿಂಡರ್ ಫಿಲ್ಲಿಂಗ್ ಅಂಗಡಿಯಲ್ಲಿ ಘಟನೆ ಸಂಭವಿಸಿದೆ. ಅಂಗಡಿಯ ಪಕ್ಕದಲ್ಲಿ ಬಾಲಕ ನಿಂತಿದ್ದ ವೇಳೆ ಸ್ಪೋಟ ನಡೆದಿದ್ದು, ಇದರಿಂದ ಬಾಲಕನ ದೇಹ ಸುಟ್ಟು ಹೋಗಿದೆ. ಕೂಡಲೇ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಚಿಕಿತ್ಸೆ ಫಲಿಸದೇ ಸಾವನ್ನಪ್ಪಿದ್ದಾನೆ.

  ದೇವರಾಜ್ ಎಂಬವರಿಗೆ ಸೇರಿದ ಸಿಲಿಂಡರ್‍ ರೀ ಫಿಲ್ಲಿಂಗ್ ಗೋಡೌನ್‌ನಲ್ಲಿ ಗ್ಯಾಸ್ ರೀ ಫಿಲ್ಲಿಂಗ್ ಮಾಡುತ್ತಿದ್ದ ಲಿಕಾಯತ್ ಎಂಬಾತ ಘಟನೆ ನಡೆದ ಕೂಡಲೇ ಪರಾರಿಯಾಗಿದ್ದಾನೆ. ಹೆಬ್ಬಾಳ ಪೊಲೀಸ್ ಠಾಣೆಯಲ್ಲಿ ಆತನ ವಿರುದ್ದ ಪ್ರಕರಣ ದಾಖಲಾಗಿದೆ. ಬಾಲಕನ ಹೆತ್ತವರು ಕೂಲಿ ಕೆಲಸ ಮಾಡಿ ಜೀವನ ನಿರ್ವಹಿಸುತ್ತಿದ್ದಾರೆ.