ಸುಮಲತಾ ಅಂಬರೀಶ್ ಸ್ಪರ್ಧೆ ಬಗ್ಗೆ ತಲೆಕೆಡಿಸಿಕೊಳ್ಳಲ್ಲ- ಮುಖ್ಯಮಂತ್ರಿ ಕುಮಾರಸ್ವಾಮಿ

•   Mon, Mar 18 2019 03:31:55 PM



• ಚಿಕ್ಕಮಗಳೂರು,ಮಾ 18 (MSP): 'ಮಂಡ್ಯದಲ್ಲಿ ಸುಮಲತಾ ಅಂಬರೀಶ್ ಸ್ಪರ್ಧೆ ಬಗ್ಗೆ ತಲೆಕೆಡಿಸಿಕೊಳ್ಳಬೇಕಾದ ಆವಶ್ಯಕತೆ ಇಲ್ಲ' ಎಂದು ಮುಖ್ಯಮಂತ್ರಿ ಕುಮಾರಸ್ವಾಮಿಯವರು ಪ್ರತಿಕ್ರಿಯೆ ನೀಡಿದ್ದಾರೆ.

  

  ಚಿಕ್ಕಮಗಳೂರಿನ ಮೆಣೆಸೆ ಹೆಲಿಪ್ಯಾಡ್‌ ನಲ್ಲಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಮಾಧ್ಯಮದೊಂದಿಗೆ ಮಾತನಾಡಿ, ಸಿನಿಮಾ ಕ್ಷೇತ್ರದವರೆಲ್ಲಾ ಮಂಡ್ಯದ ಕಡೆಗೆ ಬರಲಾರಂಭಿಸಿದ್ದಾರೆ, ಬರಲಿ ಬಿಡಿ ಸಂತೋಷ ಮಂಡ್ಯದ ಜನತೆಗಾಗಿ ಅವರೇನು ಮಾಡುತ್ತಾರೋ ನೋಡೋಣ ಎಂದರು.

  ಸುಮಲತಾ ಅವರ ಸ್ಪರ್ಧೆಗೆ ವಿಶೇಷವಾಗಿ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ. ಚುನಾವಣೆಯೆಂಬ ಯುದ್ದ ಗೆಲ್ಲಲು ಭಗವಂತನ ಆಶಿರ್ವಾದ ಬೇಕು. ನಾನು ಶೃಂಗೇರಿ ಶಾರದೆಯ ಸನ್ನಿಧಿಗೆ ನಿಖಿಲ್ ಒಬ್ಬನಿಗಾಗಿ ಪ್ರಾರ್ಥಿಸಲು ಬಂದಿಲ್ಲ. ೨8 ಕ್ಷೇತ್ರದ ಜೆಡಿಎಸ್-ಕಾಂಗ್ರೆಸ್ ಸಮ್ಮಿಶ್ರಕೂಟದ ಅಭ್ಯರ್ಥಿಗಳ ಜಯಕ್ಕಾಗಿ ಇಲ್ಲಿಗೆ ಬಂದಿದ್ದೇನೆ. ನಮ್ಮ ಕುಟುಂಬದ ನಂಬಿಕೆ ಹಿನ್ನೆಲೆಯಲ್ಲಿ ಶೃಂಗೇರಿ ತಾಯಿಯ ಆಶೀರ್ವಾದ ಪಡೆಯಲು ಬಂದಿದ್ದೇನೆ ಎಂದು ಸಿಎಂ ತಿಳಿಸಿದರು.

  ಮುಖ್ಯಮಂತ್ರಿ ಕುಮಾರಸ್ವಾಮಿ ಸೋಮವಾರ ಕುಟುಂಬ ಸಮೇತ ಶೃಂಗೇರಿ ಶಾರದಾಂಬೆ ದರ್ಶನಕ್ಕೆ ತೆರಳಿದ್ದು, ಅಲ್ಲಿ ಪುತ್ರ ನಿಖಿಲ್‌ ಅವರ ನಾಮಪತ್ರಕ್ಕೆ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ. ಮಂಡ್ಯ ಲೋಕಸಭಾ ಕ್ಷೇತ್ರದಲ್ಲಿ ಇದೀಗ ನಿಖಿಲ್‌ ಮತ್ತು ಸುಮಲತಾ ನಡುವೆ ಸ್ಪರ್ಧೆ ಫೈನಲ್ ಆಗಿದ್ದು, ಯಾರ ಕೊರಳಿಗೆ ಜಯಮಾಲೆ ಸಿಗುತ್ತೆ ಎನ್ನುವುದು ಕಾದು ನೋಡಬೇಕಿದೆ.