ಹಳಿತಪ್ಪಿದ ಗೂಡ್ಸ್ ರೈಲು- ಏಳು ರೈಲುಗಳ ಸಂಚಾರ ರದ್ದು

•   Sat, Jul 15 2023 12:26:34 PM



• ಜೈಪುರ, ಜು 15 (DaijiworldNews/MS): ಜೈಪುರ ಬಳಿ ಗೂಡ್ಸ್ ರೈಲಿನ ಎರಡು ವ್ಯಾಗನ್‌ಗಳು ಶನಿವಾರ ಹಳಿತಪ್ಪಿದ್ದು, ಇದರ ಪರಿಣಾಮ ಕನಿಷ್ಠ ಏಳು ರೈಲುಗಳನ್ನು ರದ್ದುಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

  ಜೈಪುರ-ಮದರ್ ರೈಲ್ವೆ ವಿಭಾಗದ ಅಸಲ್ಪುರ್ ಜಾಬ್ನರ್ ಮತ್ತು ಹಿರ್ನೋಡಾ ನಿಲ್ದಾಣಗಳ ನಡುವೆ ಈ ಘಟನೆ ಸಂಭವಿಸಿದೆ ಈ ಪ್ರದೇಶವು ವಾಯುವ್ಯ ರೈಲ್ವೇಯ ಜೈಪುರ ವಿಭಾಗದ ವ್ಯಾಪ್ತಿಗೆ ಒಳಪಡುತ್ತದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

  ಘಟನಾ ಸ್ಥಳದಲ್ಲಿ ಅಧಿಕಾರಿಗಳು ಧಾವಿಸಿದ್ದು ಹಳಿಗಳನ್ನು ಪುನಃಸ್ಥಾಪಿಸುವ ಕೆಲಸ ನಡೆಯುತ್ತಿದ್ದು ಆದಷ್ಟು ಬೇಗ ರೈಲು ಸಂಚಾರ ಆರಂಭಗೊಳ್ಳುವ ಭರವಸೆಯನ್ನು ಅಧಿಕಾರಿಗಳು ನೀಡಿದ್ದಾರೆ.

  ಈ ಅವಘಡದಿಂದಾಗಿ 19735 ಜೈಪುರ-ಮಾರ್ವಾರ್ ಜಂಕ್ಷನ್ ಎಕ್ಸ್‌ಪ್ರೆಸ್, 19736 ಮಾರ್ವಾರ್ ಜಂಕ್ಷನ್-ಜೈಪುರ ಎಕ್ಸ್‌ಪ್ರೆಸ್ ರೈಲು,್ 22977 ಜೈಪುರ-ಜೋಧಪುರ ಇಂಟರ್‌ಸಿಟಿ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್, 22978 ಜೋಧ್‌ಪುರ-ಜೈಪುರ ಇಂಟರ್‌ಸಿಟಿ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್, 09605 ಅಜ್ಮೀರ್-ಜೈಪುರ DEMU ವಿಶೇಷ ರೈಲು ಹಾಗೂ 09606 ಜೈಪುರ-ಅಜ್ಮೀರ್ DEMU ವಿಶೇಷ ರೈಲಿನ ಸಂಚಾರ ರದ್ದುಗೊಂಡಿದೆ