ಆ. 31 ರಿಂದ ಶಿವಮೊಗ್ಗ ವಿಮಾನ ನಿಲ್ದಾಣದಿಂದ ವಿಮಾನ ಹಾರಾಟ

•   Fri, Jul 28 2023 12:56:15 PM



• ಬೆಂಗಳೂರು, ಜು 28 (DaijiworldNews/MS): ಪ್ರಧಾನಿ ಮೋದಿ ಉದ್ಘಾಟಿಸಿದ್ದ ಶಿವಮೊಗ್ಗ ವಿಮಾನ ನಿಲ್ದಾಣದಿಂದ ವಿಮಾನ ಹಾರಾಟ ಆರಂಭ ಯಾವಾಗ ಎಂಬ ಪ್ರಶ್ನೆಗೆ ಉತ್ತರ ದೊರಕ್ಕಿದ್ದು, ಆ.31ರಿಂದ ವಿಮಾನಗಳ ಹಾರಾಟ ಶುರುವಾಗಲಿದೆ ಎಂದು ಸಚಿವ ಎಂಬಿ ಪಾಟೀಲ್‌ ಹೇಳಿದ್ದಾರೆ.

  ಬೆಂಗಳೂರಿನಲ್ಲಿ ಮಾತನಾಡಿ, ಇಂಡಿಗೋ ಏರ್‌ಲೈನ್ಸ್‌ ಈಗಾಗಲೇ ಬುಕ್ಕಿಂಗ್‌ ಆರಂಭಿಸಿದ್ದು, ಶಿವಮೊಗ್ಗದಿಂದ ತಿರುಪತಿ, ಗೋವಾ ಹಾಗೂ ಹೈದರಾಬಾದ್‌ಗೆ ಉಡಾನ್‌ ಸೇವೆಯಡಿ ವಿಮಾನಯಾನ ಸೇವೆ ಪ್ರಾರಂಭಿಸಲು ಮೂರು ಏರ್‌ಲೈನ್ಸ್‌ ಸಂಸ್ಥೆಗಳಿಗೆ ಅನುಮತಿ ಸಿಕ್ಕಿವೆ. ಸದ್ಯ ಹಗಲು ವೇಳೆ ಮಾತ್ರ ವಿಮಾನ ಸಂಚಾರವಿರುತ್ತದೆ ಎಂದಿದ್ದಾರೆ.

  ಆಗಸ್ಟ್ 31ರ ಬೆಳಗ್ಗೆ 9:50ಕ್ಕೆ ಬೆಂಗಳೂರಿನಿಂದ ಶಿವಮೊಗ್ಗಕ್ಕೆ ಮೊದಲ ವಿಮಾನ ಹಾರಾಟ ಆರಂಭಿಸಲಿದ್ದು, ಈ ವಿಮಾನ 11:05ಕ್ಕೆ ಶಿವಮೊಗ್ಗಕ್ಕೆ ಆಗಮಿಸಲಿದೆ. ಟಿಕೆಟ್ ದರ 6227 ರೂ. ಇರಲಿದೆ.ಆಗಸ್ಟ್ 31ರಂದು ಬೆಳಗ್ಗೆ 11:25ಕ್ಕೆ ಶಿವಮೊಗ್ಗದಿಂದ ಬೆಂಗಳೂರಿಗೆ 11:25ಕ್ಕೆ ವಿಮಾನ ಹೊರಡಲಿದ್ದು 12:25 ಕ್ಕೆ ಬೆಂಗಳೂರು ತಲುಪಲಿದೆ.