ಕಾರಿಗೆ ಟ್ರಕ್‌ ಢಿಕ್ಕಿ - ಪೊಲೀಸ್ ಇನ್ಸ್‌ಪೆಕ್ಟರ್ ಮೃತ್ಯು

•   Sun, Jul 30 2023 01:37:25 PM



• ದೆಹಲಿ, ಜು 30 (DaijiworldNews/HR): ರೋಹ್ಟಕ್ ರಸ್ತೆಯಲ್ಲಿ ಕಾರಿಗೆ ಟ್ರಕ್‌ ಢಿಕ್ಕಿ ಹೊಡೆದ ಪರಿಣಾಮ ದೆಹಲಿ ಪೊಲೀಸ್ ಇನ್ಸ್‌ಪೆಕ್ಟರ್ ಮೃತಪಟ್ಟಿರುವ ಘಟನೆ ಭಾನುವಾರ ಬೆಳಗ್ಗೆನಡೆದಿದೆ.

  ಜಗ್ಬೀರ್ ಸಿಂಗ್ ಅಪಘಾತದಲ್ಲಿ ಮೃತಪಟ್ಟ ಪೊಲೀಸ್ ಇನ್ಸ್‌ಪೆಕ್ಟರ್.

  ಇನ್ನು ಜಗ್ಬೀರ್ ಸಿಂಗ್ ಅವರನ್ನು ಭದ್ರತಾ ಘಟಕದಲ್ಲಿ ನಿಯೋಜಿಸಲಾದ್ದು, ರೋಹ್ಟಕ್ ರಸ್ತೆಯ ಮದಿಪುರ ಮೆಟ್ರೋ ನಿಲ್ದಾಣದ ಬಳಿ ಈ ಘಟನೆ ನಡೆದಿದೆ.

  ಕಾರು ಕೆಟ್ಟುನಿಂತ ಕಾರಣ ಜಗ್ಬೀರ್ ಸಿಂಗ್ ಅವರು ಅದರ ಹೊರಗೆ ಬಂದು ನಿಂತಿದ್ದರು. ಈ ವೇಳೆ ವೇಗವಾಗಿ ಬಂದ ಟ್ರಕ್‌ ವೊಂದು ಅವರ ಕಾರಿನ ಮೇಲೆ ಹರಿದಿದೆ. ಪರಿಣಾಮ ಇನ್ಸ್‌ಪೆಕ್ಟರ್ ಜಗ್ಬೀರ್ ಸಿಂಗ್ ಮೃತಪಟ್ಟಿದ್ದು, ಘಟನೆ ನಡೆದ ಕೂಡಲೇ ಟ್ರಕ್‌ ಬಿಟ್ಟು ಚಾಲಕ ಪರಾರಿಯಾಗಿದ್ದಾನೆ.