ಟೈಟಾನಿಕ್ ಹಡಗಿನಂತೆ ಮುಳುಗಿ ಹೋಗಲಿದೆ ಕಾಂಗ್ರೆಸ್-ಪ್ರಧಾನಿ ಮೋದಿ ವ್ಯಂಗ್ಯ

•   Sun, Apr 07 2019 08:29:18 AM



• ನಾಂದೇಡ್,ಏ07(AZM): 2019 ಲೋಕಸಭಾ ಚುನಾವಣೆ ಎನ್ನುವ ಸಮುದ್ರದಲ್ಲಿ ಕಾಂಗ್ರೆಸ್ ಪಕ್ಷವು ಟೈಟಾನಿಕ್ ಹಡಗಿನಂತೆ ಮುಳುಗಿ ಹೋಗಲಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ವ್ಯಂಗ್ಯವಾಡಿದ್ದಾರೆ.

  

  ಈ ಕುರಿತು ಮಹಾರಾಷ್ಟ್ರದ ನಾಂದೇಡ್‌ನಲ್ಲಿ ನಡೆದ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಅವರು ಮಾತನಾಡಿದರು. ಸ್ವಾತಂತ್ರ್ಯದ ನಂತರ ದೇಶವನ್ನು ಸುಮಾರು 6 ದಶಕಗಳವರೆಗೆ ಆಳಿದ ಕಾಂಗ್ರೆಸ್ ಈ ಬಾರಿ ಸಂಪೂರ್ಣವಾಗಿ ನೆಲಕಚ್ಚಲಿದ್ದು, ಟೈಟಾನಿಕ್ ಹಡಗಿನಂತೆ ಮುಳುಗಿ ಹೋಗಲಿದೆ ಎಂದು ಹೇಳಿದರು.

  ಅದೇ ರೀತಿ ಕಾಂಗ್ರೆಸ್‌ನೊಂದಿಗೆ ಸವಾರಿ ಮಾಡುತ್ತಿರುವ ಎನ್‌ಸಿಪಿಯಂತ ಪಕ್ಷಗಳು, ಜೀವ ಉಳಿಸಿಕೊಳ್ಳಲು ಓಡಿ ಹೋಗುವ ದಿನ ದೂರವಿಲ್ಲ ಎಂದೂ ಪ್ರಧಾನಿ ಭವಿಷ್ಯ ನುಡಿದರು.

  ಕಳೆದ ಲೋಕಸಭಾ ಚುನಾವಣೆಯಲ್ಲಿ ಕೇವಲ 44 ಸೀಟುಗಳನ್ನು ಗಳಿಸಿದ್ದ ಕಾಂಗ್ರೆಸ್ ಈ ಬಾರಿ ಸಂಪೂರ್ಣವಾಗಿ ಸೋತುಹೋಗಲಿದ್ದು, ಜನ ಬಿಜೆಪಿಗೆ ಅಭೂತಪೂರ್ವ ಬೆಂಬಲ ನೀಡಲಿದ್ದಾರೆ ಎಂದು ಮೋದಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.