ಸಿಎಂ ಕುಮಾರಸ್ವಾಮಿ ಅವರ ರೇಂಜ್‌ ರೋವರ್‌ ಕಾರಿನಲ್ಲಿ ಕಾಣಿಸಿಕೊಂಡ ಬೆಂಕಿ - ಅಪಾಯದಿಂದ ಪಾರು

•   Thu, Apr 11 2019 09:53:00 AM



• ಮಂಗಳೂರು, ಏ 11 (MSP): ಲೋಕಸಭಾ ಚುನಾವಣೆಯ ಪ್ರಚಾರಕ್ಕಾಗಿ ಎಡೆಬಿಡದೆ ಪ್ರಯಾಣಿಸುತ್ತಿರುವ ಸಿಎಂ ಎಚ್‌ ಡಿ ಕುಮಾರಸ್ವಾಮಿ ಅವರ ರೇಂಜ್‌ ರೋವರ್‌ ಕಾರಿನಲ್ಲಿ ಧಿಡೀರ್ ಆಗಿ ಬೆಂಕಿ ಕಾಣಿಸಿಕೊಂಡಿದ್ದು, ಯಾವುದೇ ಅಪಾಯವಿಲ್ಲದೆ ಸಿಎಂ ಪಾರಾಗಿದ್ದಾರೆ.

  

  ಏ.10 ರ ಬುಧವಾರ ರಾತ್ರಿ ವೇಳೆಗೆ ಶ್ರೀರಂಗಪಟ್ಟಣದ ಸಮೀಪ ತಾಂತ್ರಿಕ ತೊಂದರೆಯಿಂದ ಕಾರಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಸಿಎಂ ಮಂಡ್ಯ ಜಿಲ್ಲೆಯಲ್ಲಿ ಜೆಡಿಎಸ್‌-ಕಾಂಗ್ರೆಸ್‌ ಮೈತ್ರಿ ಅಭ್ಯರ್ಥಿ ನಿಖಿಲ್‌ ಕುಮಾರಸ್ವಾಮಿ ಪರ ಪ್ರಚಾರ ನಡೆಸಿ ವಾಪಾಸ್ ಆಗೋ ಸಂದರ್ಭದಲ್ಲಿ ಬೆಂಕಿ ಅನಾಹುತ ಸಂಭವಿಸಿದೆ.

  ಪ್ರಚಾರ ಕಾರ್ಯ ಮುಗಿಸಿ ಅವರು ತಾವು ತಂಗಿದ್ದ ಹೋಟೇಲ್ ಗೆ ಹಿಂತಿರುಗುವ ಕಾರಿನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಬಳಿಕ ಅವರೊಂದಿಗೆ ಇದ್ದ ಶಾಸಕ ರವೀಂದ್ರ ಶ್ರೀಕಾಂತ್ ಅವರ ಕಾರಿನಲ್ಲಿ ಹೋಟೇಲ್ ಗೆ ತೆರಳಿದ್ದಾರೆ. ಚುನಾವಣಾ ಪ್ರಚಾರಕ್ಕಾಗಿ ನಿರಂತರ ಪ್ರಯಾಣದಿಂದ ಕಾರ್‌ ಇಂಜಿನ್‌ ಬಿಸಿಯಾಗಿ ಬೆಂಕಿ ಕಾಣಿಸಿಕೊಂಡಿರಬಹುದು ಎಂದು ಅವರೊಂದಿಗಿದ್ದವರು ಶಂಕೆ ವ್ಯಕ್ತಪಡಿಸಿದ್ದಾರೆ. ಪೊಲೀಸರೂ ಪರಿಶೀಲನೆ ನಡೆಸಿದ್ದಾರೆ.