ಅಸ್ತಿ ರೈಲು ನಿಲ್ದಾಣ: ರೈಲಿನ ಬೋಗಿಯಲ್ಲಿ ಬೆಂಕಿ ಅವಘಡ

•   Mon, Oct 16 2023 05:10:42 PM



• ಮಹಾರಾಷ್ಟ್ರ, ಅ 16 (DaijiworldNews/MS): ಮಹಾರಾಷ್ಟ್ರದ ಅಹ್ಮದ್‌ನಗರದ ಅಸ್ತಿ ರೈಲ್ವೆಯಲ್ಲಿ ಅಗ್ನಿ ಅನಾಹುತ ಸಂಭವಿಸಿದೆ. ರೈಲಿನ ಮೂರ್ನಾಲ್ಕು ಬೋಗಿಗಳು ಬೆಂಕಿಗೆ ಆಹುತಿಯಾಗಿದೆ.

  ಮೊದಲ ಎರಡು ಕೋಚ್‌ಗಳಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು, ಬಳಿಕ ಅದು ಐದು ಕೋಚ್‌ಗಳಿಗೆ ತಲುಪಿದೆ. ಅದೃಷ್ಟವಶಾತ್ ಬೋಗಿಯಲ್ಲಿ ಹೆಚ್ಚಿನ ಜನರಿಲ್ಲದ ಕಾರಣ ಯಾರಿಗೂ ಗಾಯಗಳಾಗಿಲ್ಲ.

  ಇನ್ನೊಂದು ಮಾಹಿತಿ ಪ್ರಕಾರ ರೈಲಿಗೆ ಬೆಂಕಿ ತಗುಲಿದ ಬಳಿಕ ಕೆಲ ಪ್ರಯಾಣಿಕರು ರೈಲಿನಿಂದ ಜಿಗಿದು ಪ್ರಾಣ ಉಳಿಸಿಕೊಂಡಿದ್ದಾರೆ ಎನ್ನಲಾಗಿದೆ.

  ಐದು ಅಗ್ನಿ ಶಾಮಕ ವಾಹನಗಳು ಸ್ಥಳಕ್ಕೆ ಆಗಮಿಸಿದ್ದು ಬೆಂಕಿ ನಂದಿಸುವ ಕಾರ್ಯಾಚರಣೆಯಲ್ಲಿ ತೊಡಗಿಸಿಕೊಂಡಿದೆ.

  ಬೆಂಕಿಗೆ ಅವಘಡಕ್ಕೆ ನಿಖರ ಕಾರಣ ತಿಳಿದುಬಂದಿಲ್ಲ.