ಅತ್ಯಂತ ಕನಿಷ್ಠ ಮಟ್ಟಕ್ಕೆ ಇಳಿಕೆಯಾದ ಚಿನ್ನದ ಬೆಲೆ

•   Thu, Apr 18 2019 09:22:19 PM



• ನವದೆಹಲಿ,ಏ 18(Daijiworld News/AZM):ಈ ವರ್ಷದ ಅತ್ಯಂತ ಕನಿಷ್ಠ ಮಟ್ಟಕ್ಕೆ ಚಿನ್ನದ ಬೆಲೆ ಇಳಿಕೆಯಾಗಿದ್ದು ಚಿನ್ನ ಖರೀದಿದಾರರಿಗೆ ಇದು ಶುಭ ಸುದ್ದಿಯಾಗಿದೆ.

  

  24 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 32,530 ರೂ. ಆಗಿದ್ದು, ಬೆಳ್ಳಿ ಬೆಲೆ ಕೆಜಿಗೆ 37,246 ರೂ. ಆಗಿದೆ. ಜಾಗತಿಕ ಮಾರುಕಟ್ಟೆಯಲ್ಲಿ ಸ್ಪಾಟ್ ಚಿನ್ನ ಶೇ. 0.1 ರಷ್ಟು ಕುಸಿತವಾಗಿ ಪ್ರತಿ ಔನ್ಸ್ ಗೆ 1,271.97 ಡಾಲರ್ ಆಗಿದೆ. ಜಿಎಂಟಿ 345 ರಷ್ಟು ಕುಸಿತವಾಗಿ, ಈ ವರ್ಷದಲ್ಲಿ ಇದು ಅತ್ಯಂತ ಕನಿಷ್ಠ ದರ ಎಂದು ಹೇಳಲಾಗಿದೆ. ಇದುವರೆಗೆ ಶೇ. 1.4 ರಷ್ಟು ಚಿನ್ನದ ದರ ಕಡಿತವಾಗಿದ್ದು, ಮುಂದಿನ ದಿನಗಳಲ್ಲಿ ಇನ್ನಷ್ಟು ಕಡಿಮೆಯಾಗಲಿದೆ. ಕಳೆದ ವರ್ಷ ಡಿಸೆಂಬರ್ 27 ರ ಬಳಿಕ ಈ ವರ್ಷದ ಕಡಿಮೆ ದರ ಇದಾಗಿದೆ ಎನ್ನಲಾಗಿದೆ.