ಮೋದಿಗಿಂತಲೂ ಚೆನ್ನಾಗಿ ನಾನು ಮಾತನಾಡುತ್ತೇನೆ - ಎಚ್.ಡಿ.ದೇವೇಗೌಡ

•   Fri, Apr 19 2019 03:39:49 PM



• ಕೊಪ್ಪಳ, ಎ19(Daijiworld News/SS): ಮೋದಿಗಿಂತಲೂ ಚೆನ್ನಾಗಿ ನಾನು ಮಾತನಾಡುತ್ತೇನೆ. ಆದರೆ ನನಗೆ ಹಿಂದಿ ಬರುವುದಿಲ್ಲ ಎಂದು ಮಾಜಿ ಪ್ರಧಾನಿ ಎಚ್.ಡಿ.ದೇವೇಗೌಡ ಹೇಳಿದ್ದಾರೆ.

  

  ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾವೇರಿ ವಿಷಯವಾಗಿ ಕಣ್ಣೀರು ಹಾಕಿದವರು ನಾವು. ಅನೇಕ ಬಾರಿ ರಾಜ್ಯದ ಸಮಸ್ಯೆ ಬಂದಾಗ ದೇವೇಗೌಡ ಕುಟುಂಬ ಕಣ್ಣೀರು ಹಾಕಿದೆ. ಆದರೆ ಕಾಂಗ್ರೆಸ್ ಪಕ್ಷದವರು ಕಣ್ಣೀರು ಹಾಕಿಲ್ಲ, ಬಿಜೆಪಿಯವರು ಕೂಡ ಪ್ರಶ್ನೆ ಎತ್ತಿಲ್ಲ. 17 ಜನ ಎಂ.ಪಿ, 4 ಜನ ಕಾಂಗ್ರೆಸ್ ಮಿನಿಸ್ಟರ್ ಇದ್ದರೂ ಯಾರೊಬ್ಬರು ಕಣ್ಣೀರು ಹಾಕಿಲ್ಲ. ಕಾವೇರಿಗಾಗಿ ದೇವೇಗೌಡ ಕುಟುಂಬ ಮಾತ್ರ ಕಣ್ಣೀರು ಹಾಕಿದೆ ಎಂದು ನುಡಿದರು.

  ಪ್ರಧಾನಿ ಮೋದಿ ಮಾತನಾಡುವ ವೇಳೆ ಮಾತಿನ ಮೇಲೆ ಬಿಗಿ ಹಿಡಿತ ಇಟ್ಟಿರಬೇಕು. ಮೋದಿಗಿಂತಲೂ ಚೆನ್ನಾಗಿ ನಾನು ಮಾತನಾಡುತ್ತೇನೆ. ಆದರೆ ನನಗೆ ಹಿಂದಿ ಬರುವುದಿಲ್ಲ ಎಂದು ತಿಳಿಸಿದರು.

  ಮತದಾರರ ತೀರ್ಪು ಗೌರವಿಸಬೇಕು. ಮಾತ್ರವಲ್ಲ, ಮತದಾರರ ತೀರ್ಪು ನಾವು ಒಪ್ಪಬೇಕು. ಇಷ್ಟು ಸ್ಥಾನ ಗೆಲ್ಲುತ್ತೇವೆ ಅಂತಾ ಹೇಳಕಾಗುವುದಿಲ್ಲ. ಮೈತ್ರಿ ಕೂಟ 20ಕ್ಕೂ ಹೆಚ್ಚು ಸ್ಥಾನ ಗೆಲ್ಲಲಿದೆ. ಸಿದ್ದರಾಮಯ್ಯ, ಡಿ.ಕೆ.ಶಿವಕುಮಾರ್ ಸೇರಿದಂತೆ ನಾನು ಉಳಿದ ಕ್ಷೇತ್ರದಲ್ಲಿ ಪ್ರಚಾರ ಮಾಡುತ್ತೇವೆ ಎಂದು ಹೇಳಿದ್ದಾರೆ.