ಮರಳಿನಲ್ಲಿ ಏಸುಕ್ರಿಸ್ತ ಚಿತ್ರ ಬಿಡಿಸಿ ಗುಡ್ ಫ್ರೈಡೇ ಆಚರಿಸಿದ ಕಲಾವಿದ

•   Fri, Apr 19 2019 05:00:36 PM



• ನವದೆಹಲಿ,ಏ 19(Daijiworld News/AZM):ಜಗತ್ತಿನಾದ್ಯಂತ ಇರುವ ಕ್ರೈಸ್ತ ಬಾಂಧವರು ಶ್ರದ್ಧಾ ಭಕ್ತಿಯಿಂದ ಇಂದು ಗುಡ್ ಫ್ರೈಡೆ ಆಚರಿಸುತ್ತಿದ್ದು, ಒಡಿಸ್ಸಾದ ಪುರಿ ಬೀಚ್ ನಲ್ಲಿ ಕಲಾವಿದರೊಬ್ಬರು ಯೇಸು ಕ್ರಿಸ್ತನನ್ನು ಶಿಲುಬೆಗೇರಿಸಿದ ಚಿತ್ರವನ್ನು ಬಿಡಿಸುವ ಮೂಲಕ ಗುಡ್ ಫ್ರೈಡೇ ಆಚರಿಸಿದ್ದಾರೆ.

  

  ಮರಳು ಕಲಾವಿದ ಸುದರ್ಶನ್ ಪಟ್ನಾಯಕ್ ಒಡಿಸ್ಸಾದ ಪುರಿ ಬೀಚ್ ನಲ್ಲಿ ಮರಳಿನಿಂದ ಯೇಸು ಕ್ರಿಸ್ತನನ್ನು ಶಿಲುಬೆಗೇರಿಸಿದ ಚಿತ್ರವನ್ನು ಬಿಡಿಸಿದ್ದಾರೆ. ಯೇಸು ಕ್ರಿಸ್ತನ ಆದೇಶದಂತೆ ವಿಶ್ವದಲ್ಲಿ ಶಾಂತಿ ಹಾಗೂ ಮಾನವೀಯ ಮೌಲ್ಯಗಳು ನೆಲೆಸಲಿ ಎಂಬ ಉದ್ದೇಶದಿಂದ ಪುರಿ ಕಡಲ ಕಿನಾರೆಯಲ್ಲಿ ಮರಳಿನಲ್ಲಿ ದೇವರ ಚಿತ್ರವನ್ನು ಬಿಡಿಸಿದ್ದೇನೆ ಎಂದು  ಸುದರ್ಶನ್ ತಿಳಿಸಿದ್ದಾರೆ.