ಹಳಿಗಳ ಮೇಲೆ ರೀಲ್ಸ್ : ರೈಲು ಢಿಕ್ಕಿ ಹೊಡೆದು ಮೂವರು ಯುವಕರು ಸಾವು

•   Thu, Dec 21 2023 09:25:27 PM



• ಕೋಲ್ಕತಾ, ಡಿ 21 (DaijiworldNews/MS): ರೀಲ್ಸ್ ವ್ಯಾಮೋಹದ ಪರಿಣಾಮ ರೈಲು ಡಿಕ್ಕಿ ಹೊಡೆದು ಮೂವರು ಯುವಕರು ಮೃತಪಟ್ಟ ದಾರುಣ ಘಟನೆ ಪಶ್ಚಿಮ ಬಂಗಾಳದಲ್ಲಿ ಮುರ್ಷಿದಾಬಾದ್ ಜಿಲ್ಲೆಯಲ್ಲಿ ನಡೆದಿದ್ದು, ಈ ವೇಳೆ ಇಬ್ಬರು ನದಿಗೆ ಹಾರಿದ ಅವರ ಪ್ರಾಣ ಉಳಿದಿದೆ.

  ಅಹಿರಾನ್ ರೈಲು ನಿಲ್ದಾ ಣದ ಸಮೀಪ ರೈಲ್ವೆ ಸೇತುವೆಯಮೇಲೆ ಹಳಿಗಳ ಮಧ್ಯೆ ಐದು ಜನಯುವಕರು ರೀಲ್ಸ್ ಮಾಡುತ್ತಿದ್ದರು. ಈ ವೇಳೆ ಹೌರಾ-ರಾಧಿಕಪೂರ್ ಕುಲಿಕ್ ಎಕ್ಸ್‌ಪ್ರೆಸ್‌ ರೈಲು ಢಿಕ್ಕಿ ಹೊಡೆದಿದೆ. ಪರಿಣಾಮ ಮೂವರು ಯುವಕರು ಸ್ಥಳದಲ್ಲೇ ಮೃತಪಟ್ಟಿದ್ದು, ಇಬ್ಬರು ನದಿಗೆ ಹಾರಿ ತಮ್ಮನ್ನು ರಕ್ಷಿಸಿಕೊಂಡಿದ್ದಾರೆ ಎಂದು ಅಧಿಕಾರಿಗಳುಮಾಹಿತಿ ನೀಡಿದ್ದಾರೆ.

  ರೈಲು ಹಳಿಗಳಮೇಲೆಯಾವುದೇ ಕ್ಷಣದಲ್ಲೂ ರೈಲು ಬರಬಹುದು ಆದ್ದರಿಂದ ಜನರು ರೈಲ್ವೆ ಹಳಿಗಳಿಂದ ದೂರವಿರಬೇಕು ಎಂದು ಅಧಿಕಾರಿಗಳು ಸಾರ್ವಜನಿಕರಿಗೆ ಎಚ್ಚರಿಕೆ ನೀಡಿದ್ದಾರೆ.