100 ಅಡಿ ಆಳದ ಕೊಳವೆ ಬಾವಿಗೆ ಬಿದ್ದ ಮಹಿಳೆ, ಮುಂದುವರೆದ ರಕ್ಷಣಾ ಕಾರ್ಯಾಚರಣೆ

•   Thu, Feb 08 2024 12:19:30 PM



• ರಾಜಸ್ಥಾನ , ಫೆ 08 (DaijiworldNews/PC): ಜಮೀನೊಂದರಲ್ಲಿ ತೋಡಿದ್ದ ಸುಮಾರು 100 ಅಡಿ ಆಳದ ಕೊಳವೆ ಬಾವಿಗೆ 25 ವರ್ಷದ ಮಹಿಳೆಯೊಬ್ಬರು ಬಿದ್ದ ಘಟನೆ ರಾಜಸ್ಥಾನ ದಲ್ಲಿ ನಡೆದಿದೆ.

  ರಾಜಸ್ಥಾನದ ಗಂಗಾಪುರ ಜಿಲ್ಲೆಯ ಗುಡ್ಲಾ ಗ್ರಾಮದ ಜಮೀನೊಂದರಲ್ಲಿ ಮೋನಾ ಬಾಯಿ ಎಂಬುವವರು ಕೊಳವೆ ಬಾವಿಗೆ ಬಿದ್ದಿದ್ದಾರೆ.

  ಫೆ.6 ರಂದು ರಾತ್ರಿ 8 ಗಂಟೆಯ ವೇಳೆ ಮೋನಾ ಬಾಯಿ ಅವರು ಮನೆಯಿಂದ ನಾಪತ್ತೆಯಾಗಿದ್ದರು. ಫೆ. 7 ರಂದು ಮಧ್ಯಾಹ್ನ ಮಹಿಳೆ ಮನೆಯ ಹಿಂಬದಿಯಲ್ಲಿ ತೋಡಿದ್ದ ಕೊಳವೆ ಬಾವಿ ಬಳಿ ಮಹಿಳೆಯ ಚಪ್ಪಲಿ ಕಂಡು ಬಂದಿದ್ದು ಮಹಿಳೆ ಕೊಳವೆ ಬಾವಿಗೆ ಬಿದ್ದಿರುವುದಾಗಿ ತಿಳಿದು ಬಂದಿದೆ.

  ಕೊಳವೆ ಬಾವಿ ಬಳಿ ಮಹಿಳೆಯ ಚಪ್ಪಲಿ ಬಿದ್ದಿರುವುದು ಗಮನಿಸಿದ ಕುಟುಂಬದವರು ತಕ್ಷಣ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ’ ಎಂದು ಬಾಮನ್‌ವಾಸ ಉಪವಿಭಾಗಾಧಿಕಾರಿ ಅಂಶುಲ್ ಕುಮಾರ್ ತಿಳಿಸಿದ್ದಾರೆ.

  ಸ್ಥಳಕ್ಕೆ ಎನ್‌ಡಿಆರ್‌ಎಫ್‌ ತಂಡ ಆಗಮಿಸಿದ್ದು, ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ. ಮಹಿಳೆ ಆಕಸ್ಮಿಕವಾಗಿ ಬಾವಿಗೆ ಬಿದ್ದಿದ್ದಾಳೆಯೇ ಅಥವಾ ಬಾವಿಗೆ ತಳ್ಳಲಾಗಿದೆಯೇ ಎಂಬ ಬಗ್ಗೆ ತನಿಖೆ ನಡೆಸಲಾಗುವುದು’ ಎಂದು ಬಾಮನ್‌ವಾಸದ ಉಪ ಪೊಲೀಸ್ ವರಿಷ್ಠಾಧಿಕಾರಿ ಸಂತ್ರಾಂ ತಿಳಿಸಿದ್ದಾರೆ.