ದಂಗಲ್ ಸಿನಿಮಾ ನಟಿ ಸುಹಾಸಿನಿ ಭಟ್ನಾಗರ್ ಹಠಾತ್ ನಿಧನ

•   Sat, Feb 17 2024 06:18:33 PM



• ದೆಹಲಿ, ಫೆ 17(DaijiworldNews/AA): ಬಾಲಿವುಡ್ ನಟ ಅಮಿರ್ ಖಾನ್ ನಟನೆಯ ದಂಗಲ್ ಸಿನಿಮಾದಲ್ಲಿ ಬಾಲನಟಿಯಾಗಿ ನಟಿಸಿದ್ದ ಸುಹಾಸಿನಿ ಭಟ್ನಾಗರ್(19) ಇಂದು ನಿಧನರಾಗಿದ್ದಾರೆ.

  ದಂಗಲ್ ಸಿನಿಮಾದಲ್ಲಿ ಅಮಿರ್ ಖಾನ್ ಅವರ ಪುತ್ರಿಯಾಗಿ ಬಬಿತಾ ಪೋಗಟ್ ಪಾತ್ರ ನಿರ್ವಹಿಸಿದ್ದ ಸುಹಾಸಿನಿ ಭಟ್ನಾಗರ್ ಅವರು ಕಳೆದ ಕೆಲ ತಿಂಗಳುಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಅವರು ದೆಹಲಿಯ ಏಮ್ಸ್ ಆಸ್ಪತ್ರೆಯಲ್ಲಿ ಚಿಕೆತ್ಸೆ ಪಡೆಯುತ್ತಿದ್ದರು. ಆದರೆ ಸುಹಾಸಿನಿ ಅವರು ಚಿಕಿತ್ಸೆಗೆ ಸ್ಪಂದಿಸದೆ ಇಂದು ಮೃತಪಟ್ಟಿದ್ದಾರೆ.

  ಮೂಲತಃ ಹರಿಯಾಣಾದ ಫರೀದಾಬಾದ್​ ನವರಾದ ಸುಹಾಸಿನಿ ಭಟ್ನಾಗರ್ ಅವರು ಸಣ್ಣ ವಯಸ್ಸಿನಲ್ಲೇ ಹಲವಾರು ಜಾಹಿರಾತುಗಳಲ್ಲಿ ನಟಿಸಿದ್ದಾರೆ. ಇನ್ನು ನಟಿಯ ದಿಢೀರ್ ಸಾವಿಗೆ ಬಾಲಿವುಡ್ ಕಂಬನಿ ಮಿಡಿದಿದೆ.