ಪಾಕ್ ಸರಕು ವಿಮಾನದಿಂದ ಗಡಿ ಉಲ್ಲಂಘನೆ - ಜೈಪುರದಲ್ಲಿ ಬಲವಂತದಿಂದ ಇಳಿಸಿದ ಭಾರತೀಯ ವಾಯುಪಡೆ

•   Fri, May 10 2019 09:46:17 PM



• ರಾಜಸ್ಥಾನ, ಮೇ.10(Daijiworld News/SS): ಪಾಕಿಸ್ತಾನದ ಸರಕು ಸಾಗಣೆ ವಿಮಾನವೊಂದು ಭಾರತದ ವಾಯುಪ್ರದೇಶವನ್ನು ಉಲ್ಲಂಘಿಸಿದ್ದು, ಜೈಪುರ ವಿಮಾನ ನಿಲ್ದಾಣದಲ್ಲಿ ಬಲವಂತವಾಗಿ ಇಳಿಸಲಾಗಿದೆ.

  

  ಪಾಕ್‌ ಆಗಸದಿಂದ ಭಾರತದ ಗಡಿಯೊಳಕ್ಕೆ ಪ್ರವೇಶಿಸಿದ ಪಾಕಿಸ್ತಾನದ ಎಎನ್-12 ಬೃಹತ್ ಕಾರ್ಗೋ ವಿಮಾನ ವಾಯುಪ್ರದೇಶವನ್ನು ಉಲ್ಲಂಘಿಸಿ ಭಾರತ ಪ್ರವೇಶಿಸಿದ ತಕ್ಷಣ ಭಾರತೀಯ ವಾಯುಪಡೆ ಯುದ್ಧ ವಿಮಾನಗಳು ಅದನ್ನು ತಡೆದು ಜೈಪುರ ನಿಲ್ದಾಣದಲ್ಲಿ ಬಲವಂತವಾಗಿ ಇಳಿಸಿವೆ.

  ಅಮೆರಿಕಾದ ಜಾರ್ಜಿಯದಿಂದ ದೆಹಲಿಗೆ ಹೊರಟಿದ್ದ ಈ ವಿಮಾನ ಕರಾಚಿ ಮಾರ್ಗ ಬದಲಿಸಿ ಗುಜರಾತ್​ನ ಅಪರಿಚಿತ ಸ್ಥಳದ ಮೂಲಕ ಭಾರತೀಯ ವಾಯು ಪ್ರದೇಶವನ್ನು ತಲುಪಿದೆ. ಸರಕು ವಿಮಾನ ಪೈಲಟ್​ಗಳ ವಿಚಾರಣೆ ನಡೆಯುತ್ತಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.

  ಪಾಕಿಸ್ತಾನ ವಿಮಾನವನ್ನು ನಮ್ಮ ವಿಮಾನಗಳು ಎಚ್ಚರಿಕೆಯಿಂದ ತಡೆದು ಬಲವಂತವಾಗಿ ಇಳಿಸುವಲ್ಲಿ ಯಶಸ್ವಿಯಾಗಿವೆ ಎಂದು ವಾಯು ಪಡೆಯ ಅಧಿಕಾರಿಗಳು ತಿಳಿಸಿದ್ದಾರೆ

  ಪಾಕ್ ವಿಮಾನದ ಪೈಲಟ್‌ಗಳ ವಿಚಾರಣೆ ನಡೆಯುತ್ತಿದ್ದು, ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.