ಯುವಕರೇ,ಟಿಕ್ ಟಾಕ್ ನಲ್ಲಿ ವೀಡಿಯೋ ಅಪ್ ಲೋಡ್ ಮಾಡುವ ಮುಂಚೆ ಎಚ್ಚರ

•   Thu, May 16 2019 04:05:57 PM



• ಮುಂಬೈ,ಮೇ16(DaijiworldNews/AZM):ಯುವಕರಿಬ್ಬರು ಸೇರಿ ಟಿಕ್ ಟಾಕ್ ನಲ್ಲಿ ಮಾರಕಾಸ್ತ್ರವನ್ನು ಹಿಡಿದು ವೀಡಿಯೋ ಅಪ್ ಲೋಡ್ ಮಾಡಿದ ಹಿನ್ನಲೆ ಅವರನ್ನು ಮುಂಬೈ ಪೊಲೀಸರು ಬಂಧಿಸಿರುವ ಘಟನೆ ನಡೆದಿದೆ.

  

  ಭಿಜಿತ್ ಸತ್ಕಾರ ಮತ್ತು ಶಂಕರ್ ಬಿರಾಜದಾರ ಎಂಬವರು ಬಂಧನಕ್ಕೊಳಗಾದವರು. ಇವರು ಮಹಾರಾಷ್ಟ್ರದ ಪುಣೆ ಸಮೀಪದ ಪಿಂಪರಿ ಚಿಂಚವಾಡ ಪ್ರದೇಶದ ನಿವಾಸಿಗಳಾಗಿದ್ದು, ಟಿಕ್ ಟ್ಯಾಕ್ ನಲ್ಲಿ ಮಾರಕಾಸ್ತ್ರಗಳನ್ನು ಹಿಡಿದಿದ್ದಂತ ವೀಡಿಯೋ ಅಪ್ ಲೋಡ್ ಮಾಡಿದ್ದರು.

  ಟ ಸಂಜಯ್ ದತ್ ಸಿನಿಮಾದ ಅಪುನ ಕೋ ಕೋಯಿ ಟಚ್ ನಹಿ ಕರ್ ಸಕತಾ ಎನ್ನುವ ಡೈಲಾಗ್ ಗೆ ಅಭಿಜಿತ್ ಸತ್ಕಾರ, ಶಂಕರ್ ಬಿರಾಜದಾರ ಸೇರಿ ಒಟ್ಟು ನಾಲ್ವರು ಕೈಯಲ್ಲಿ ಲಾಂಗ್ ಹಿಡಿದು ಟಿಕ್ ಟಾಕ್ ಮಾಡಿ ವೀಡಿಯೋವನ್ನು ಅಪ್ ಲೋಡ್ ಮಾಡಿದ್ದರು. ಈ ಬಗ್ಗೆ ಅನೇಕರು ಆಕ್ಷೇಪ ವ್ಯಕ್ತಪಡಿಸಿದ್ದಲ್ಲದೇ, ಈ ಸಂಬಂಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದರು.

  ಸಾರ್ವಜನಿಕರ ಒತ್ತಾಯದ ಮೇರೆಗೆ ತನಿಖೆ ಕೈಗೊಂಡ ಪುಣೆ ಪೊಲೀಸರು ಲಾಂಗ್ ಹಿಡಿದು ಸಾಮಾಜಿಕ ಸ್ವಾಸ್ಥ್ಯ ಕದಡುವ ವೀಡಿಯೋ ಮಾಡಿದ್ದ ಅಭಿಜಿತ್ ಸತ್ಕಾರ್ ಮತ್ತು ಶಂಕರ್ ಬಿರಾಜದಾರ ಅವರನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

  ಟಿಕ್ ಟಾಕ್ ಯುವ ಸಮೂಹವನ್ನು ಆಕರ್ಷಿಸುತ್ತಿದ್ದು, ಹೆಚ್ಚು ಲೈಕ್ ಪಡೆದುಕೊಳ್ಳಬೇಕೆಂಬ ಕಾರಣಕ್ಕಾಗಿ ಏನೇನೋ ವೀಡಿಯೋ ಅಪ್ ಲೋಡ್ ಮಾಡಿ ಎಡವಟ್ಟು ಮಾಡಿಕೊಳ್ಳುತ್ತಾರೆ. ಆದರೆ ಒಂದು ಸಲ ವೀಡಿಯೋ ಅಪ್ ಲೋಡ್ ಮಾಡುವ ಮುಂಚೆ ಎಚ್ಚರವಹಿಸುವುದು ಉತ್ತಮ.