ಮಹಾತ್ಮ ಗಾಂಧಿ ಒಬ್ಬರು ಸೂಪರ್ ಸ್ಟಾರ್-ನಟ ಕಮಲ್ ಹಾಸನ್

•   Mon, May 20 2019 10:16:16 AM



• ಚೆನ್ನೈ,ಮೇ20(DaijiworldNews/AZM):ಮಹಾತ್ಮ ಗಾಂಧಿಯವರು ಒಬ್ಬರು ಸೂಪರ್ ಸ್ಟಾರ್ ಎಂದು ನಟ, ಮಕ್ಕಳ್ ನೀದಿ ಮಯ್ಯಮ್ ಪಕ್ಷದ ಸ್ಥಾಪಕ ಕಮಲ್ ಹಾಸನ್ ಹೇಳಿದ್ದಾರೆ.

  

  ತಮಿಳು ಚಿತ್ರವೊಂದರ ಕಾರ್ಯಕ್ರಮದಲ್ಲಿ ಈ ಕುರಿತು ಅವರು ಮಾತನಾಡಿದರು. ನಾನು ಆಗಾಗ್ಗೆ ಗಾಂಧಿ ಮತ್ತು ಅವರ ಜೀವನದ ಬಗ್ಗೆ ಓದುತ್ತಿರುತ್ತೇನೆ. ಅವರು ಒಮ್ಮೆ ರೈಲಿನಲ್ಲಿ ಪ್ರಯಾಣಿಸುವಾಗ ನೆರೆದಿದ್ದ ಭಾರಿ ಜನಸಮೂಹದತ್ತ ಕೈಬೀಸುತ್ತಿದ್ದರು. ಆವಾಗ ಒಂದು ಚಪ್ಪಲಿ ಕಳೆದುಹೋಯಿತು. ಕೂಡಲೇ ಅವರು ಮತ್ತೊಂದು ಚಪ್ಪಲಿಯನ್ನು ಕೂಡ ಪಕ್ಕದಲ್ಲಿಯೇ ಬಿಸಾಡಿ ಬರಿಗಾಲಿನಲ್ಲಿ ಹೊರಟರು. ಜತೆಯಲ್ಲಿದ್ದವರು ಅವರ ವರ್ತನೆ ಬಗ್ಗೆ ವಿಚಾರಿಸಿದಾಗ, ಒಂದು ಜತೆ ಚಪ್ಪಲಿಯನ್ನು ಯಾರಾದರೂ ಬಳಸಿಕೊಳ್ಳಲಿಬಿಡಿ ಎಂದಿದ್ದರಂತೆ '', ಎಂದು ಕಮಲ್‌ ಹಾಸನ್ ಹೇಳಿದರು. ಗೋಡ್ಸೆ ಹಿಂದೂ ಉಗ್ರ ಎಂಬ ತಮ್ಮ ಹೇಳಿಕೆಗೆ ಬದ್ಧವಾಗಿರುವುದಾಗಿ ತಿಳಿಸಿದ ಕಮಲ್‌, ''ನಾನು ನನ್ನ ಹೀರೋನನ್ನು ಬದಲಾಯಿಸಲಾರೆ. ವಿಲನ್‌ನನ್ನು ಹೀರೋ ಎಂದು ಎಂದಿಗೂ ಒಪ್ಪಲ್ಲ,'' ಎಂದರು.