ಫಲಿತಾಂಶ ಹೊರಬೀಳುವ ಮುಂಚೆಯೇ ಸ್ವೀಟ್ಸ್ ಗೆ ಆರ್ಡರ್ ಕೊಟ್ಟ ಬಿಜೆಪಿ ಅಭ್ಯರ್ಥಿ

•   Tue, May 21 2019 03:06:20 PM



• ಮುಂಬೈ,ಮೇ21(DaijiworldNews/AZM):ಲೋಕಸಭಾ ಚುನಾವಣೆಯ ಫಲಿತಾಂಶ ಹೊರಬರುವ ಮುಂಚೆಯೇ ಇಲ್ಲೊಬ್ಬರು ಬಿಜೆಪಿ ಅಭ್ಯರ್ಥಿ ಸಾವಿರಾರು ಕೆ.ಜಿ. ಸ್ವೀಟ್ಸ್ ಗೆ ಆರ್ಡರ್ ಕೊಟ್ಟಿದ್ದಾರೆ.

  

  ದಕ್ಷಿಣ ಮುಂಬೈ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಗೋಪಾಲ್​ ಶೆಟ್ಟಿ ಗೆಲ್ಲುವ ವಿಶ್ವಾಸದಲ್ಲಿದ್ದು, ಈಗಾಗಲೇ ಸಾವಿರಾರು ಕೆಜಿಯಷ್ಟು ಸ್ವೀಟ್ಸ್​ಗೆ ಆರ್ಡರ್​ ಕೊಟ್ಟಿದ್ದಾರೆ. ಈ ಹಿನ್ನೆಲೆ ಬೋರಿವಾಲಿಯ ಸ್ವೀಟ್ಸ್​ ಅಂಗಡಿಯಲ್ಲಿ ಅವರಿಗಾಗಿ ಲಾಡು, ಪೇಡ ಸೇರಿದಂತೆ ವಿವಿಧ ರೀತಿಯ ಸ್ವೀಟ್ಸ್​ ತಯಾರಿಸಲಾಗುತ್ತಿದೆ. ಇಲ್ಲಿನ ಸಿಬ್ಬಂದಿ ಮೋದಿ ಮುಖವಾಡಗಳನ್ನ ತೊಟ್ಟು ಸಿಹಿ ತಯಾರಿಕೆಯಲ್ಲಿ ತೊಡಗಿರೋದು ವಿಶೇಷವಾಗಿದೆ.

  ಈ ಬಗ್ಗೆ ಮಾತನಾಡಿರೋ ಅಂಗಡಿ ಮಾಲೀಕ, ಬಿಜೆಪಿಯ ಗೋಪಾಲ್ ಶೆಟ್ಟಿ ಅವರಿಂದ 1500-2000 ಕೆಜಿ ಸ್ವೀಟ್ಸ್​ಗೆ ಆರ್ಡರ್​ ಬಂದಿದೆ. ನಮ್ಮ ಕೆಲಸಗಾರರು ಕೂಡ ಉತ್ಸಾಹದಲ್ಲಿದ್ದಾರೆ. ಹೀಗಾಗಿ ಮೋದಿ ಮಾಸ್ಕ್​​ ಧರಿಸಿ ಸಿಹಿ ತಯಾರಿಸುತ್ತಿದ್ದಾರೆ ಎಂದು ತಿಳಿಸಿದ್ದಾರೆ. ಇನ್ನು ಗೋಪಾಲ್ ಶೆಟ್ಟಿ ವಿರುದ್ಧ ಕಾಂಗ್ರೆಸ್​ನಿಂದ ಮಾಜಿ ನಟಿ ಉರ್ಮಿಳಾ ಮಾತೋಂಡ್ಕರ್ ಸ್ಪರ್ಧಿಸಿದ್ದಾರೆ.

  ಮೇ.೨೩ರಂದು ಲೋಕಸಭಾ ಚುನಾವಣೆಯ ಫಲಿತಾಂಶ ಹೊರಬೀಳಲಿದ್ದು, ಎಕ್ಸಿಟ್ ಪೋಲ್ ಬಿಜೆಪಿ ಬಹುಮತ ಪಡೆಯಲಿದೆ ಎಂದು ಭವಿಷ್ಯ ನುಡಿದಿತ್ತು.