ಭಾರತ ಮತ್ತು ಆಸ್ಟ್ರೇಲಿಯಾ ಟೆಸ್ಟ್ ಸರಣಿ: ಮೊದಲ ಪಂದ್ಯಕ್ಕೆ ನಮ್ಮ ಬಳಗ ಅಂತಿಮವಾಗಿದೆ- ಬ್ರುಮಾ

•   Thu, Nov 21 2024 01:04:06 PM



• ಪರ್ತ್ ,ನ.21(DaijiworldNews/AK):ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಟೆಸ್ಟ್ ಸರಣಿಯ ಮೊದಲ ಪಂದ್ಯ ನ.22 ರಂದು ಪರ್ತ್‌ನ ವಾಕಾ ಸ್ಟೇಡಿಯಂನಲ್ಲಿ ಆರಂಭವಾಗಲಿದೆ. ಈ ಪಂದ್ಯದಲ್ಲಿ ಭಾರತ ಮತ್ತು ಆಸ್ಟ್ರೇ ಲಿಯಾ ತಂಡಗಳು ಮುಖಾಮುಖಿಯಾಗಿ ಸೆಣೆಸಲಿದೆ.

  ಮೊದಲ ಪಂದ್ಯಕ್ಕೆ ನಾಯಕ ರೋಹಿತ್ ಶರ್ಮಾ ಅಲಭ್ಯ. ಹೀಗಾಗಿ ಮೊದಲ ಪಂದ್ಯದಲ್ಲಿ ಜಸ್ಪ್ರೀತ್ ಬುಮ್ರಾ ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ. ತಮ್ಮ ತಂಡವು ನ್ಯೂಜಿಲ್ಯಾಂಡ್ ವಿರುದ್ಧ ತವರಿನಲ್ಲಿ ಅಭೂತಪೂರ್ವ 0-3 ಸೋಲಿನ ಭಾರವನ್ನು ಹೊತ್ತಿಲ್ಲ ಎಂದು ಬುಮ್ರಾ ಹೇಳಿದ್ದಾರೆ.

  ನೀವು ಗೆದ್ದರೂ ಶೂನ್ಯದಿಂದಲೇ ಆರಂಭಿಸುತ್ತೀರಿ, ಸೋತರೂ ಹಾಗೆಯೇ. ಹೀಗಾಗಿ ನಾವು ಭಾರತದಿಂದ ಯಾವುದೇ ಸೋಲಿನ ಭಾರವನ್ನು ಹೊತ್ತು ತಂದಿಲ್ಲ. ನಾವು ಕಿವೀಸ್ ಸರಣಿಯಿಂದ ಒಂದಷ್ಟು ವಿಚಾರಗಳನ್ನು ಕಲಿತಿದ್ದೇವೆ. ಆದರೆ ಅಂದಿನ ಪರಿಸ್ಥಿತಿ ಬೇರೆ ಇತ್ತು ಎಂದರು.

  ಇದೇ ವೇಳೆ ನಮ್ಮ ತಂಡವು ತನ್ನ ಪ್ಲೇ ಯಿಂಗ್ ಇಲೆವೆನ್ ಅನ್ನು ಅಂತಿಮಗೊಳಿಸಿದೆಯಾದರೂ ಅದನ್ನು ಟಾಸ್ ಸಮಯದಲ್ಲೇ ಬಹಿರಂಗಪಡಿಸುವುದಾಗಿ ಬುಮ್ರಾ ಹೇಳಿದರು.