ಹೊಸದಿಲ್ಲಿ: ನಿವೃತ್ತಿ ಬಳಿಕ ವಿದೇಶಿ ಟಿ20ಯಲ್ಲಿ ಆಡಲು ಅವಕಾಶ ಕೇಳಿದ ಯುವಿ

•   Thu, Jun 20 2019 10:05:27 PM



• ಹೊಸದಿಲ್ಲಿ, ಜೂ 20 (Daijiworld News/SM): ಟೀಂ ಇಂಡಿಯಾದ ಸ್ಪೋಟಕ ಬ್ಯಾಟ್ಸ್ ಮನ್ ಹಾಗೂ ಆಲ್ ರೌಂಡರ್ ಆಟಗಾರ ಯುವರಾಜ್ ಸಿಂಗ್ ಕಳೆದವಾರ ಸುದೀರ್ಘ ಕ್ರಿಕೆಟ್ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದಾರೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ ಜೀವನಕ್ಕೆ ವಿದಾಯ ಘೋಸಿಸಿದ್ದ ಯುವಿ ವಿದೇಶಿ ಟಿ20 ಲೀಗ್‌ಗಳಲ್ಲಿ ಆಡಲು ಬಿಸಿಸಿಐ ಅನುಮತಿಯನ್ನು ಕೋರಿದ್ದಾರೆ.

  

  ಯುವರಾಜ್‌ ಸಿಂಗ್‌ ನಿವೃತ್ತಿ ಘೋಷಣೆಯ ವೇಳೆ ವಿದೇಶಿ ಟಿ20 ಟೂರ್ನಿಗಳಲ್ಲಿ ಆಡುವ ಇಂಗಿತ ವ್ಯಕ್ತಪಡಿಸಿದ್ದರು. ನಿವೃತ್ತಿಯ ಬಳಿಕವೂ ಕೂಡ ಕ್ರಿಕೆಟ್‌ ಖುಷಿಯನ್ನು ಅನುಭವಿಸಲು ಬಯಸುತ್ತೇನೆ ಎಂದಿದ್ದಾರೆ.

  ಅಂತಾರಾಷ್ಟ್ರೀಯ ಕ್ರಿಕೆಟ್‌ ಜೀವನದ ಕುರಿತು ಆಲೋಚಿಸಿ ಒತ್ತಡಕ್ಕೆ ಸಿಲುಕಿಕೊಂಡಿದ್ದೆ. ಆದರೆ, ಇದೀಗ ನಿರಾಳನಾಗಿದ್ದೇನೆ. ಹೀಗಾಗಿ ವಿದೇಶಿ ಟಿ20ಗಳಲ್ಲಿ ಆಡಲು ನನಗೆ ಅನುಮತಿ ನೀಡಬೇಕೆಂದು ಯುವಿ ಬಿಸಿಸಿಐಗೆ ಮನವಿ ಸಲ್ಲಿಸಿದ್ದಾರೆ. ಅನುಮತಿ ಇಲ್ಲದೆ ವಿದೇಶಿ ಪಂದ್ಯದಲ್ಲಿ ಆಡಲು ಅವಕಾಶವಿಲ್ಲ. ಈ ಹಿನ್ನೆಲೆ ಅವಕಾಶ ನೀಡಬೇಕೆಂದು ಅವರು ಮನವಿ ಸಲ್ಲಿಸಿದ್ದಾರೆ.