ವಿಶ್ವಕಪ್: ಕ್ರಿಕೆಟ್ ಕೂಸಿಗೆ ಒಲಿಯುತ್ತಿಲ್ಲ ಗೆಲುವು; 7 ನೇ ಬಾರಿಯೂ ಅಫ್ಘಾನ್ ಗೆ ಸೋಲು

•   Mon, Jun 24 2019 11:50:53 PM



• ಸಾತಮ್​ಟನ್, ಜೂ 24 (Daijiworld News/SM): ಅಫ್ಘಾನಿಸ್ತಾನ ತಂಡ ಬಾಂಗ್ಲಾದೇಶದ ವಿರುದ್ಧ 62 ರನ್​ಗಳಿಂದ ಸೋಲುಂಡಿದ್ದು, ಈ ಮೂಲಕ ವಿಶ್ವಕಪ್​ನಲ್ಲಿ 7ನೇ ಸೋಲನುಭವಿಸಿದೆ.

  

  ಬಾಂಗ್ಲಾದೇಶ ನೀಡಿದ್ದ 263 ರನ್​ಗಳನ್ನು ಬೆನ್ನತ್ತಿದ್ದ ಅಫ್ಘಾನಿಸ್ತಾನ 47 ಓವರ್​ಗಳಲ್ಲಿ 200ರನ್​​ಗಳಿಗೆ ಆಲೌಟ್​ ಆಗುವ ಮೂಲಕ 62ರನ್​ಗಳ ಸೋಲನುಭವಿಸಿತು. ಮೊದಲ ವಿಕೆಟ್​ಗೆ 49 ರನ್​ಗಳ ಜೊತೆಯಾಟ ನೀಡಿ ಉತ್ತಮ ಆರಂಭ ಪಡೆದಿದ್ದ ಅಫ್ಘಾನ್​ ಆರಂಭಿಕರಾದ ರಹ್ಮರ್​ ಶಾ(24) ಹಾಗೂ ಗುಲ್ಬದಿನ್​ ನೈಬ್​(47) ಉತ್ತಮ ಅಡಿಪಾಯ ಹಾಕಿಕೊಟ್ಟರು. ಬಳಿಕ ಒಂದರ ಹಿಂದೆ ಒಂದರಂತೆ ಸಂಪೂರ್ಣ ತಂಡ ಆಲ್ ಔಟ್ ಆಯಿತು. ಭರವಸೆಯ ಬ್ಯಾಟ್ಸ್​ಮನ್​ ನಬಿ ಡಕೌಟ್​​ ಆಗಿ ನಿರಾಸೆ ಮೂಡಿಸಿದರು.

  ಆ ಮೂಲಕ ಈ ವಿಶ್ವಕಪ್ ನಲ್ಲಿ ಆಡಿರುವ ಎಲ್ಲಾ 7 ಪಂದ್ಯಗಳಲ್ಲೂ ಅಪ್ಘಾನ್ ಸೋಲುಂಡಿದ್ದು, ಅಂಕ ಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ.