ವಿಶ್ವಕಪ್: ಗೆದ್ದ ವಿಂಡೀಸ್, ಸೋತ ಅಫ್ಘಾನ್-ಎರಡೂ ತಂಡಗಳು ವಿಶ್ವ ಸಮರದಿಂದ ಔಟ್

•   Thu, Jul 04 2019 11:57:54 PM



• ಲೀಡ್ಸ್‌, ಜು 04 (Daijiworld News/SM): ಐಸಿಸಿ ಏಕದಿನ ವಿಶ್ವಕಪ್​​ನ 42ನೇ ಪಂದ್ಯದಲ್ಲಿ ಆಡಿರುವ ಎರಡೂ ತಂಡಗಳು ಪ್ರಸಕ್ತ ಸಾಲಿನ ವಿಶ್ವಕಪ್ ಜರ್ನಿ ಕೊನೆಗೊಳಿಸಿವೆ. ಅಫ್ಘಾನಿಸ್ತಾನದ ವಿರುದ್ಧದ ಪಂದ್ಯವನ್ನು ವೆಸ್ಟ್​ ಇಂಡೀಸ್​ ತಂಡ ಗೆದ್ದುಕೊಂಡಿದ್ದು ವಿಶ್ವಕಪ್ ಅಭಿಯಾನ ಅಂತ್ಯಗೊಳಿಸಿದೆ. ಮತ್ತೊಂದೆಡೆ ಅಪ್ಘಾನ್ ತಂಡ 9 ಪಂದ್ಯಗಳಲ್ಲಿ ಖಾತೆ ತೆರೆಯಲಾಗದೆ, ಸೋಲಿನ ಮುಖಭಂಗದೊಂದಿಗೆ ತಾಯ್ನಾಡಿನತ್ತ ಹೆಜ್ಜೆ ಹಾಕಿದೆ.

  

  

  ಇಂಗ್ಲೆಂಡ್ ನ ಹೆಡಿಂಗ್ಲೆಯ ಲೀಡ್ಸ್​ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟ್​ ಮಾಡಿದ ವೆಸ್ಟ್‌ ಇಂಡೀಸ್ ತಂಡ ಶಾಯ್ ಹೋಪ್ (77), ಎವಿನ್ ಲೆವಿಸ್ (58) ಹಾಗೂ ನಿಕೋಲಸ್ ಪೂರನ್ (58) ಅರ್ಧಶತಕಗಳ ನೆರವಿನಿಂದ 50 ಓವರ್‌ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 311 ರನ್‌ಗಳನ್ನು ಪೇರಿಸಿತು.

  ವಿಂಡೀಸ್ ನೀಡಿದ ಗುರಿಯನ್ನು ಬೆನ್ನತ್ತಿದ ಅಫ್ಘಾನ್​ ತಂಡ ಆರಂಭಿಕ ನಬಿ ವಿಕೆಟ್​ ಬೇಗನೆ ಕಳೆದುಕೊಂಡಿತು. ಇದಾದ ಬಳಿಕ ಒಂದಾದ ರಹಮತ್​​ ಶಾ ಹಾಗೂ ಇಕ್ರಾಂ​ ಅಲಿ ಜೋಡಿ ತಂಡಕ್ಕೆ 133 ರನ್​ಗಳ ಮಹತ್ವದ ಜೊತೆಯಾಟ ನೀಡಿದರು. ರಹಮತ್ 10 ಬೌಂಡರಿಗಳಿಂದ 62 ರನ್ ​ಗಳಿಸಿದರೆ, ಇಕ್ರಾಂ 8 ಬೌಂಡರಿಗಳೊಂದಿಗೆ 86 ರನ್ ​ಗಳಿಸಿದರು. ಈ ವೇಳೆ ಬೌಲಿಂಗ್ ದಾಳಿಗೆ ಇಳಿದ ಗೇಲ್​ 36ನೇ ಓವರ್​​ನಲ್ಲಿ ಇಕ್ರಾಂ(62) ಹಾಗೂ ನಜಿಬುಲ್ಲಾ (31) ವಿಕೆಟ್​ ಪಡೆದುಕೊಂಡರು. ಇದರಿಂದ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್​ ಕಮ್​ಬ್ಯಾಕ್​ ಮಾಡಿಕೊಂಡಿತು.

  ಅಂತಿಮವಾಗಿ ಅಫ್ಘಾನ್ ತಂಡ೫೦ ಓವರ್ ಗಳಲ್ಲಿ 10 ನಷ್ಟಕ್ಕೆ 288 ರನ್ ಗಳನ್ನಷ್ಟೇ ಕಳೆಹಾಕಲು ಶಕ್ತವಾಯಿತು. ಹಾಗೂ 23 ರನ್ ಗಳ ಅಂತರದಿಂದ ಸೋಲನ್ನು ಒಪ್ಪಿಕೊಂಡಿತು.