ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ

•   Thu, Jul 11 2019 03:26:14 PM



• ಮ್ಯಾಂಚೆಸ್ಟರ್, ಜು11(Daijiworld News/SS): ನಮ್ಮಿಂದಾಗುವ ಎಲ್ಲ ಪ್ರಯತ್ನವನ್ನು ಮಾಡಿದ್ದೇವು ಎಂದು ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ಅಭಿಮಾನಿಗಳ ಜತೆಗೆ ಭಾವನಾತ್ಮಕ ಸಂದೇಶವನ್ನು ಹಂಚಿದ್ದಾರೆ.

  

  

  ಟ್ವೀಟ್ ಮೂಲಕ ಮನದ ಮಾತನ್ನು ಹಂಚಿಕೊಂಡಿರುವ ಅವರು, ಮೊದಲನೆಯದಾಗಿ ತಂಡವನ್ನು ಬೆಂಬಲಿಸಲು ಭಾರಿ ಸಂಖ್ಯೆಯಲ್ಲಿ ಬಂದ ನಮ್ಮ ಎಲ್ಲ ಅಭಿಮಾನಿಗಳಿಗೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ. ನೀವಿದನ್ನು ನಮ್ಮೆಲ್ಲರಿಗೂ ಸ್ಮರಣೀಯ ಸರಣಿಯನ್ನಾಗಿ ಮಾಡಿದ್ದೀರಿ. ನೀವು ನಮ್ಮ ತಂಡದ ಮೇಲೆ ತೋರಿದ ಪ್ರೀತಿಯನ್ನು ಅನುಭವಿಸಿದ್ದೇವೆ. ನಾವೆಲ್ಲರೂ ನಿರಾಸೆಗೊಂಡಿದ್ದೇವೆ. ಅದೇ ಭಾವನೆಗಳನ್ನು ನಿಮ್ಮ ಜೊತೆ ಹಂಚಿಕೊಳ್ಳುತ್ತೇವೆ. ನಮ್ಮಿಂದಾಗುವ ಎಲ್ಲ ಪ್ರಯತ್ನವನ್ನು ಮಾಡಿದ್ದೇವೆ. ಜೈ ಹಿಂದ್.... ಎಂದು ಹೇಳಿದ್ದಾರೆ.

  ಭಾರತದ ವಿಶ್ವಕಪ್ ಗೆಲ್ಲುವ ಕನಸು ಭಗ್ನಗೊಂಡಿದೆ. ಇನ್ನು ಏನೇ ಇದ್ದರೂ ಮಗದೊಂದು ಏಕದಿನ ವಿಶ್ವಕಪ್‌ಗಾಗಿ ನಾಲ್ಕು ವರ್ಷಗಳಷ್ಟು ಕಾಯಬೇಕಿದೆ. ನ್ಯೂಜಿಲೆಂಡ್ ವಿರುದ್ಧ 18 ರನ್ ಅಂತರದ ಪರಾಭವಕ್ಕೆ ಶರಣಾಗಿರುವ ಟೀಮ್ ಇಂಡಿಯಾ ಸೆಮಿಫೈನಲ್ ಹಂತದಿಂದಲೇ ಹೊರನಡೆದಿದೆ. ಪರಿಣಾಮ, ಅಭಿಮಾನಿಗಳು ಅತೀವ ನಿರಾಸೆಗೊಳಗಾಗಿದ್ದಾರೆ.