ಇಸ್ತಾನ್ಬುಲ್‌: ಸ್ವರ್ಣದ ಪದಕಕ್ಕೆ ಕೊರಳೊಡ್ಡಿದ ಭಾರತದ ವಿನೇಶ್‌ ಫೋಗಟ್‌

•   Sun, Jul 14 2019 11:12:19 PM



• ಇಸ್ತಾನ್ಬುಲ್‌, ಜು 14 (Daijiworld News/SM): ಕುಸ್ತಿ ಪಂದ್ಯಾಟದಲ್ಲಿ ಭಾರತಕ್ಕೆ ಚಿನ್ನದ ಪದಕ ಲಭಿಸಿದೆ. ಭಾರತದ ಸ್ಟಾರ್‌ ಕುಸ್ತಿಪಟು ವಿನೇಶ್‌ ಫೋಗಟ್‌ ದೇಶಕ್ಕೆ ಸ್ವರ್ಣ ಅರ್ಪಿಸಿದ್ದಾರೆ. ಯಾಸರ್‌ ದೊಗು ಅಂತಾರಾಷ್ಟ್ರೀಯ ಕುಸ್ತಿ ಚಾಂಪಿಯನ್‌ಷಿಪ್‌ನಲ್ಲಿ ಚಿನ್ನ ಗೆಲ್ಲುವ ಮೂಲಕ 53 ಕೆಜಿ ವಿಭಾಗದಲ್ಲಿ ಸತತ ಎರಡನೇ ಬಾರಿ ಬಂಗಾರ ಗೆದ್ದ ಸಾಧನೆ ಮಾಡಿದ್ದಾರೆ.

  

  ಭಾರತದ ಸ್ಟಾರ್‌ ಕುಸ್ತಿಪಟು ವಿನೇಶ್‌ ಫೋಗಟ್‌ ನಿರೀಕ್ಷೆಯ ಪ್ರದರ್ಶನ ನೀಡಿದರು. ಹಾಗೂ ರಷ್ಯಾದ ಬಲಿಷ್ಠ ಎದುರಾಳಿ ಕಟರಿನಾ ಪೊಲೆಷ್ಚುಕ್‌ ಎದುರು 9-5 ಅಂಕತಗಳಿಂದ ಗೆಲುವನ್ನು ತನ್ನದಾಗಿಸಿಕೊಂಡರು. ಹಾಗೂ ಸ್ವರ್ಣಕ್ಕೆ ಕೊರಳೊಡ್ಡಿದರು. ಫೈನಲ್‌ನಲ್ಲಿ ಅಬ್ಬರಿಸುವುದಕ್ಕೂ ಮುನ್ನ ಮಿಂಚಿನ ಪಟ್ಟುಗಳನ್ನು ಪ್ರದರ್ಶಿಸಿದ್ದ ವಿನೇಶ್‌ ತಮ್ಮ ಎದುರಾಳಿಗಳನ್ನು ಹೊಡೆದುರುಳಿಸಿದ್ದರು.

  ಇದರೊಂದಿಗೆ ಭಾರತಕ್ಕೆ ಕೂಟದಲ್ಲಿ ಮೂರನೇ ಸ್ವರ್ಣ ಲಭ್ಯವಾಗಿದೆ. ಇದಕ್ಕೂ ಮುನ್ನ 50 ಕೆಜಿ ವಿಭಾಗದಲ್ಲಿ ಸೀಮಾ ಮತ್ತು 59 ಕೆಜಿ ವಿಭಾಗದಲ್ಲಿ ಮಂಜು ಸ್ವರ್ಣ ಪದಕಗಳನ್ನು ಗೆದ್ದಿದ್ದರು.