ರಾಷ್ಟ್ರೀಯ ಚೆಸ್ ಚಾಂಪಿಯನ್‌ಶಿಪ್‌ನಲ್ಲಿ ಪಾಲ್ಗೊಳ್ಳಲು ಅರ್ಹತೆ ಪಡೆದ ಮಂಗಳೂರಿನ ಶ್ರಿಯಾನ ಎಸ್. ಮಲ್ಯ

•   Tue, Jul 16 2019 10:20:12 AM



• ಮಂಗಳೂರು, ಜು16(Daijiworld News/SS): ನಗರದ ಬಾಲಪ್ರತಿಭೆ, ಚೆಸ್ ಕ್ರೀಡಾಳು ಶ್ರಿಯಾನ ಎಸ್ ಮಲ್ಯ(9) ಬೆಂಗಳೂರಿನಲ್ಲಿ ನಡೆದ ಕರ್ನಾಟಕ ರಾಜ್ಯ ಚೆಸ್ ಚಾಂಪಿಯನ್‌ಶಿಪ್ 2019ನೇ ಸಾಲಿನ 9ರ ವಯೋಮಿತಿಗಿಂತ ಕೆಳಗಿನ ಹರೆಯದವರ ಚೆಸ್ ಸ್ಪರ್ಧೆಯಲ್ಲಿ ಪಾಲ್ಗೊಂಡು ವಿಜೇತರಾಗುವ ಮೂಲಕ ‘ರಾಷ್ಟ್ರೀಯ ಚೆಸ್ ಚಾಂಪಿಯನ್‌ಶಿಪ್- 2019ರ ಸ್ಪರ್ಧೆ’ಯಲ್ಲಿ ಪಾಲ್ಗೊಳ್ಳುವ ಅರ್ಹತೆ ಪಡೆದುಕೊಂಡಿದ್ದಾರೆ.

  

  

  ಬೆಂಗಳೂರು ಗ್ರಾಮಾಂತರ ಜಿಲ್ಲಾ ಚೆಸ್ ಅಸೋಸಿಯೇಶನ್ ಮತ್ತು ಯುನೈಟೆಡ್ ಕರ್ನಾಟಕ ಚೆಸ್ ಅಸೋಸಿಯೇಶನ್ ಜೂನ್ 28ರಿಂದ ಜೂನ್ 30ರವರೆಗೆ ಬೆಂಗಳೂರಿನ ನೃಪತುಂಗ ರಸ್ತೆಯ ರಿಸರ್ವ್‌ಬ್ಯಾಂಕ್ ಆಫ್ ಇಂಡಿಯಾ ಬಳಿ ಇರುವ ವೈಎಂಸಿಎ ಸಭಾಂಗಣದಲ್ಲಿ ಈ ಪ್ರತಿಷ್ಠಿತ ಸ್ಪರ್ಧೆಯನ್ನು ಆಯೋಜಿಸಿತ್ತು.

  ಸ್ಪರ್ಧೆಯಲ್ಲಿ ಒಟ್ಟು 92 ಮಂದಿ ಬಾಲಕಿಯರು ಪಾಲ್ಗೊಂಡಿದ್ದು, ಶ್ರಿಯಾನ ಎಸ್ ಮಲ್ಯ ಮೊದಲ 9 ಸುತ್ತುಗಳಲ್ಲಿ 9ರಲ್ಲೂ ವಿಜೇತರಾಗಿದ್ದರು. ಮಂಗಳೂರಿನ ಉರ್ವಾದ ಸಂದೀಪ್ ಮತ್ತು ನಂದಿನಿ ದಂಪತಿ ಪುತ್ರಿಯಾಗಿರುವ ಶ್ರಿಯಾನ, ಬಿಜೈ ಲೂರ್ಡ್ಸ್ ಸೆಂಟ್ರಲ್ ಶಾಲೆಯ ನಾಲ್ಕನೇ ತರಗತಿ ವಿದ್ಯಾರ್ಥಿನಿ.