ನವದೆಹಲಿ: ಟೀಂ ಇಂಡಿಯಾ ಕೋಚ್ ಆಯ್ಕೆ ಸಮಿತಿಯ ಮುಂದಾಳುವಾಗಿ ಕಪಿಲ್ ದೇವ್

•   Sun, Jul 28 2019 08:47:16 PM



• ನವದೆಹಲಿ, ಜು 23 (DaijiworldNews/SM): 2019ರ ವಿಶ್ವಕಪ್ ಬಳಿಕ ಟೀಂ ಇಂಡಿಯಾಕ್ಕೆ ಕೋಚ್ ಹುಡುಕಾಟದಲ್ಲಿ ಬಿಸಿಸಿಐ ಮುಂದಾಗಿದ್ದು, ಅರ್ಹರಿಂದ ಅರ್ಜಿಯನ್ನು ಆಹ್ವಾನಿಸಿದೆ. ಈ ನಡುವೆ ಟೀಂ ಇಂಡಿಯಾದ ಮಾಜಿ ನಾಯಕ ಹಾಗೂ ಮೊದಲ ವಿಶ್ವಕಪ್ ವಿಜೇತ ತಂಡದ ನಾಯಕ ಕಪಿಲ್ ದೇವ್ ಅವರ ನೇತೃತ್ವದಲ್ಲಿ ಸಲಹಾ ಸಮಿತಿ ರಚಿಸಲಾಗಿದ್ದು, ಈ ಸಮಿತಿ ಮೂಲಕ ಕೋಚ್ ಆಯ್ಕೆ ಪ್ರಕ್ರಿಯೆ ನಡೆಯಲಿದೆ.

  

  ಸಮಿತಿಯಲ್ಲಿ ಕಪಿಲ್ ದೇವ್ ಪ್ರಮುಖರಾಗಿದ್ದು, ಅವರನ್ನು ಹೊರತುಪಡಿಸಿ ಶಾಂತಾ ರಂಗಸ್ವಾಮಿ ಹಾಗೂ ಅಂಶುಮನ್ ಗಾಯಕ್ವಾಡ್ ಇವರೊಂದಿಗಿದ್ದಾರೆ. ಈ ಸಮಿತಿ ಆಗಸ್ಟ್ ತಿಂಗಳಲ್ಲಿ ಟೀಂ ಇಂಡಿಯಾಕ್ಕೆ ಸಮರ್ಥ ತರಬೇತುದಾರರನ್ನು ಆಯ್ಕೆ ಮಾಡಲಿದೆ.

  ಇನ್ನು ಕಪಿಲ್ ದೇವ್ ಸಲಹಾ ಸಮಿತಿಯಲ್ಲಿರುವುದರಿಂದ ಈ ಹಿಂದೆ ಕೋಚ್ ಆಗಿರುವ ರವಿಶಾಸ್ತ್ರಿಯನ್ನು ಮತ್ತೆ ಮುಂದುವರೆಸುತ್ತಾರಾ ಎಂಬುವುದು, ಸದ್ಯದ ಕುತೂಹಲ.