ಮತ್ತೆ ಯುನಿವರ್ಸಲ್ ಬಾಸ್ ಆರ್ಭಟ-ಟಿ-20 ಪಂದ್ಯದಲ್ಲಿ 22ನೇ ಶತಕ

•   Wed, Jul 31 2019 11:00:49 PM



• ಒಂಟಾರಿಯೋ, ಜು 31 (DaijiworldNews/SM): ಟಿ-20 ಲೀಗ್​ಗಳಲ್ಲಿ ಈಗಷ್ಟೇ ತಲೆಯೆತ್ತುತ್ತಿರುವ ಕೆನಡಾದ ಗ್ಲೋಬಲ್​ ತಂಡದಲ್ಲಿ ಕ್ರಿಸ್ ಗೇಲ್ ಆರ್ಭಟ ಮುಂದುವರೆದಿದೆ. ಟಿ-೨೦ ಆವೃತ್ತಿಯಲ್ಲಿ 22ನೇ ಶತಕ ಸಿಡಿಸಿ ಮಿಂಚಿದ್ದಾರೆ.

  

  ವ್ಯಾಂಕೋವರ್ ನೈಟ್ಸ್ ತಂಡದ ನಾಯಕರಾಗಿರುವ ಗೇಲ್, ಲೀಗ್​ನ 8ನೇ ಪಂದ್ಯದಲ್ಲಿ ಮಾಂಟ್ರಿಯಲ್ ಟೈಗರ್ಸ್ ವಿರುದ್ಧ ಸೋಮವಾರ ನಡೆದ ಪಂದ್ಯದಲ್ಲಿ ಭರ್ಜರಿಯಾಗಿ ಬ್ಯಾಟ್ ಬೀಸಿದ್ದಾರೆ. ಕೇವಲ 47 ಎಸೆತಗಳಲ್ಲೇ ಗೇಲ್ ಶತಕ ಸಿಡಿಸಿದ್ದಾರೆ. ಇನ್ನು ಇವರ ಕ್ರಿಕೆಟ್ ವೃತ್ತಿ ಜೀವನದ​ ಟಿ-20 ಕ್ರಿಕೆಟ್​ ವಿದಾಯದ ದಿನಗಳು ಹತ್ತಿರವಾಗುತ್ತಿದ್ದು ಇದಕ್ಕಿಂತ ಪೂರ್ವದಲ್ಲಿ 22ನೇ ಶತಕ ಸಿಡಿಸಿ ಯುನಿವರ್ಸಲ್ ಬಾಸ್ ಮಿಂಚಿದ್ದಾರೆ.

  ಒಟ್ಟಾರೆ 54 ಎಸೆತಗಳನ್ನು ಎದುರಿಸಿದ ಅವರು, 7 ಬೌಂಡರಿ ಹಾಗೂ ಭರ್ಜರಿ12 ಸಿಕ್ಸರ್ ಗಳನ್ನು ಸಿಡಿಸಿದ್ದಾರೆ. ಇಷ್ಟೆಲ್ಲ ಆರ್ಭಟಿಸಿದ್ದರೂ ಪಂದ್ಯಕ್ಕೆ ಮಳೆರಾಯ ಅಡ್ಡಿಪಡಿಸಿದ ಕಾರಣ ಫಲಿತಾಂಶವಿಲ್ಲದೆ ಪಂದ್ಯ ಅಂತ್ಯಗೊಂಡಿದೆ.