ಗ್ರೇಟ್ ಫಿನಿಶರ್ ಧೋನಿ ಕೈಚಳಕಕ್ಕೆ 'ಓಂ ಫಿನಿಶಾಯ ನಮಃ' ಎಂದ ಸೆಹ್ವಾಗ್!

•   Fri, Apr 22 2022 12:26:01 PM



• ಮುಂಬೈ, ಏ 22 (DaijiworldNews/DB): ಸೋಲಿನ ಭೀತಿಗೆ ಒಳಗಾಗಿದ್ದ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಗ್ರೇಟ್ ಫಿನಿಷರ್ ಆಗುವ ಮೂಲಕ ಮಹೇಂದ್ರ ಸಿಂಗ್ ಧೋನಿ ಗೆಲುವಿನ ಕೈ ಹಿಡಿಯುವಂತೆ ಮಾಡಲು ಯಶಸ್ವಿಯಾಗಿದ್ದಾರೆ. ಆ ಮೂಲಕ ಕ್ರಿಕೆಟ್ ಅಭಿಮಾನಿಗಳು, ತಾರೆಯರ ಪ್ರಶಂಸೆಗೆ ಪಾತ್ರರಾದರು.

  ಸರಿಸುಮಾರು ಗೆಲುವಿನ ಹಾದಿ ಹಿಡಿದಿದ್ದ ಮುಂಬೈ ಇಂಡಿಯನ್ಸ್ ತಂಡವನ್ನು ಸೋಲಿಸಬೇಕಾದರೆ ಚೆನ್ನೈ ಸೂಪರ್‌ಕಿಂಗ್ಸ್ ಗೆ ಕೊನೆಯಲ್ಲಿ 17 ರನ್ ಅವಶ್ಯವಾಗಿತ್ತು. ಕೊನೆಯ ಹಂತದಲ್ಲಿ ಬ್ಯಾಟಿಂಗ್‌ಗಿಳಿದ ಧೋನಿ ಅದನ್ನು ಪಡೆದುಕೊಳ್ಳುವಲ್ಲಿ ಯಶಸ್ವಿಯಾದರು. ಎರಡು ಬೌಂಡರಿ ಹಾಗೂ ಸಿಕ್ಸರ್ ಭಾರಿಸುವ ಮೂಲಕ ಚೆನ್ನೈ ತಂಡಕ್ಕೆ ರೋಚಕ ಗೆಲುವು ತಂದು ಕೊಟ್ಟಿದ್ದಲ್ಲದೆ, ತಮ್ಮ ಈ ಹಿಂದಿನ ಸಾಧನೆಗಳಂತೆಯೇ ಗ್ರೇಟ್ ಫಿನಿಶರ್ ಎನಿಸಿಕೊಂಡರು.

  ವೀರೇಂದ್ರ ಸೆಹ್ವಾಗ್, ಸುರೇಶ್ ರೈನಾ, ಹರ್ಭಜನ್ ಸಿಂಗ್, ಕಾರ್ತಿಕ್ ಮುರಳಿ ಸಹಿತ ಹಲವು ಕ್ರಿಕೆಟ್ ತಾರೆಯರು, ಧೋನಿ ಅಭಿಮಾನಿಗಳು ಧೋನಿಯವರ ಈ ಗೆಲುವನ್ನು ಸಂಭ್ರಮಿಸಿದ್ದಾರೆ. ವೀರೇಂದ್ರ ಸೆಹ್ವಾಗ್ ಅವರು ಟ್ವೀಟ್ ಮಾಡಿ ’ಎಂ.ಎಸ್. ಧೋನಿ...ಓಂ ಫಿನಿಶಾಯ ನಮಃ’ ಎಂದು ಬರೆದುಕೊಂಡಿದ್ದಾರೆ.

  MS Dhoni … Om Finishaya Namaha .
  What a win. Romba Nalla #MIvsCSK

  — Virender Sehwag (@virendersehwag) April 21, 2022