ಸ್ವಿಗ್ಗಿ ಖರೀದಿಸಿ-ಎಲಾನ್‌ ಮಸ್ಕ್‌ಗೆ ಒತ್ತಾಯ ಮಾಡಿದ ಶುಭಮನ್ ಗಿಲ್

•   Sun, May 01 2022 02:49:37 PM



• ನವದೆಹಲಿ, ಮೇ 01 (DaijiworldNews/DB): ಉದ್ಯಮಿ ಎಲಾನ್ ಮಸ್ಕ್ ಟ್ವಿಟರ್‍ ಸಂಸ್ಥೆಯನ್ನು ಖರೀದಿಸಿದ ಬೆನ್ನಲ್ಲೇ ಸಮರ್ಪಕ ಸೇವೆ ನೀಡದ ಇತರ ಕಂಪೆನಿಗಳನ್ನೂ ಖರೀದಿಸಿ ಎಂದು ಸಾರ್ವಜನಿಕರು ಮಸ್ಕ್ ಅವರಿಗೆ ಒತ್ತಾಯ ಹೇರುತ್ತಿದ್ದಾರೆ. ಈ ನಡುವೆ ಕ್ರಿಕೆಟಿಗ ಶುಭಮನ್ ಗಿಲ್ ಕೂಡಾ ಇಂತಹ ಒತ್ತಾಯ ಮಾಡಿದ್ದು, ಸ್ವಿಗ್ಗಿಯನ್ನು ಖರೀದಿಸಿ ಎಂದು ಮಸ್ಕ್ ಗೆ ಮನವಿ ಮಾಡಿದ್ದಾರೆ.

  ಸ್ವಿಗ್ಗಿಯು ಸರಿಯಾದ ಸಮಯಕ್ಕೆ ಆಹಾರ ಡೆಲಿವರಿ ಮಾಡಉತ್ತಿಲ್ಲ. ಸಮರ್ಪಕ ಸೇವೆ ನೀಡದ ಈ ಸಂಸ್ಥೆಯನ್ನು ಉತ್ತಮ ಸೇವೆಗಾಗಿ ಖರೀದಿಸಿ ಎಂದು ಶುಭಮನ್ ಎಲಾನ್ ಮಸ್ಕ್ ಗೆ ಟ್ವೀಟ್ ಮಾಡಿದ್ದಾರೆ. ಆದರೆ ಶುಭಮನ್ ಟ್ವೀಟ್‌ಗೆ ಮಸ್ಕ್ ಇಲ್ಲಿವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಬೆಂಗಳೂರು ಮೂಲದ ಸ್ವಿಗ್ಗಿ ಮಾತ್ರ ಕೂಡಲೇ ಶುಭಮನ್ ಟ್ವೀಟ್‌ಗೆ ಪ್ರತಿಕ್ರಿಯಿಸಿ, ನಿಮ್ಮ ಆರ್ಡರ್‌ಗೆ ಸಂಬಂಧಿಸಿ ಎಲ್ಲವೂ ಒಳ್ಳೆಯದಾಗಬೇಕೆಂದು ನಾವು ಇಷ್ಟಪಡುತ್ತೇವೆ. ನಿಮ್ಮ ವಿವರಗಳೊಂದಿಗೆ ನಮಗೆ ಸಂದೇಶ ಕಳುಹಿಸಿದ್ದಲ್ಲಿ ಇತರ ಕಂಪೆನಿಗಳಿಗಿಂತ ಮೊದಲೇ ನಾವು ನಿಮ್ಮನ್ನು ಸಂಪರ್ಕಿಸಿ ಉತ್ತಮ ಸೇವೆ ನೀಡುತ್ತೇವೆ ಎಂದು ತಿಳಿಸಿದೆ.

  ವಿಶ್ವಾದ್ಯಂತ ಹಲವು ಮಂದಿ ವಿವಿಧ ಕಂಪೆನಿಗಳ ಹೆಸರನ್ನು ಸೂಚಿಸಿ ಅವುಗಳಲ್ಲಿ ಮುಂದೆ ಉತ್ತಮ ಸೇವೆಗಾಗಿ ನೀವೇ ಅದನ್ನು ಖರೀದಿಸಿ ಎಂದು ಒತ್ತಾಯ ಮಾಡುತ್ತಿರುವುದು ಸದ್ಯ ಹೆಚ್ಚುತ್ತಲೇ ಇದೆ.

  Elon musk, please buy swiggy so they can deliver on time. @elonmusk #swiggy

  — Shubman Gill (@ShubmanGill) April 29, 2022