ಮುಂಬೈ: ಸತತ ಸೋಲಿನಿಂದ ಪಾರಾದ ಮುಂಬೈ-ಗುಜರಾತ್ ವಿರುದ್ಧ 5 ರನ್ ರೋಚಕ ಗೆಲುವು

•   Fri, May 06 2022 11:27:25 PM



• ಮುಂಬೈ, ಮೇ 06 (DaijiworldNews/SM): ಇಲ್ಲಿ ನಡೆದ ಐಪಿಎಲ್ ಕ್ರಿಕೆಟ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಗುಜರಾತ್ ಟೈಟನ್ಸ್ ತಂಡದ ವಿರುದ್ಧ ರೋಚಕ ಗೆಲುವು ದಾಖಲಿಸಿಕೊಂಡಿದೆ.

  ಟಾಸ್ ಗೆದ್ದ ಗುಜರಾತ್ ತಂಡ ಮುಂಬೈಗೆ ಬ್ಯಾಟಿಂಗ್ ನಡೆಸಲು ಅಹ್ವಾನ ನೀಡಿತು. ಮೊದಲು ಬ್ಯಾಟಿಂಗ್ ನಡೆಸಿದ ರೋಹಿತ್ ಬಳಗ ಇಪ್ಪತ್ತು ಓವರ್ ಗಳಲ್ಲಿ ಆರು ವಿಕೆಟ್ ಗಳ ನಷ್ಟಕ್ಕೆ 177 ರನ್ ಗಳಿಸಿತು. ಮುಂಬೈ ಪರ ಇಶಾನ್ ಕಿಶಾನ್ 45, ರೋಹಿತ್ 43, ಡೇವಿಡ್ 44 ರನ್ ಗಳಿಸಿದರು.

  ಇನ್ನು ಇದಕ್ಕೆ ಉತ್ತರವಾಗಿ ಗುಜರಾತ್ ಇಪ್ಪತ್ತು ಓವರ್ ಗಳಲ್ಲಿ ಐದು ವಿಕೆಟ್ ಗಳ ನಷ್ಟಕ್ಕೆ 172 ರನ್ ಗಳಿಸಲಷ್ಟೇ ಶಕ್ತವಾಯಿತು. ಗುಜರಾತ್ ಪರ ವೃದ್ಧಿಮಾನ್ ಸಾಹ 55, ಗಿಲ್ 52, ಪಾಂಡ್ಯಾ 24 ರನ್ ಸಿಡಿಸಿದರು.