ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಮುಂಬೈ ಇಂಡಿಯನ್ಸ್ ತಂಡಕ್ಕೆ 52 ರನ್ ಗಳ ಹೀನಾಯ ಸೋಲು

•   Mon, May 09 2022 11:13:31 PM



• ಮುಂಬೈ, ಮೇ 09 (DaijiworldNews/SM): ಇಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡ ಕೊಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 52 ರನ್ ಗಳ ಹೀನಾಯ ಸೋಲುಂಡಿದೆ.

  ಟಾಸ್ ಗೆದ್ದ ಮುಂಬೈ ಮೊದಲು ಬೌಲಿಂಗ್ ಆಯ್ದುಕೊಂಡಿತು. ಬೂಮ್ರಾ ಅವರ ಮಾರಕ ದಾಳಿಯ ನಡುವೆಯೂ ಕೊಲ್ಕತ್ತಾ ತಂಡ ಒಂಬತ್ತು ವಿಕೆಟ್ ಗಳ ನಷ್ಟಕ್ಕೆ 165 ರನ್ ಗಳಿಸಿತು. ವೆಂಕಟೇಶ್ ಐಯ್ಯರ್ 43, ನಿತೀಶ್ ರಾಣ 43, ರಹಾನೆ 25 ರನ್ ಗಳಿಸಿದರು. ಇನ್ನು ಮುಂಬೈ ಪರ ಬೂಮ್ರಾ 10 ರನ್ ನೀಡಿ ಐದು ವಿಕೆಟ್ ಪಡೆದರು.

  ಇನ್ನು ಕೊಲ್ಕತ್ತಾ ನೀಡಿದ ಗುರಿ ಬೆನ್ನಟ್ಟಿದ ಮುಂಬೈ 17.3 ಓವರ್ ಗಳಲ್ಲಿ 113 ರನ್ ಗಳಿಸಿ ಸರ್ವ ಪತನ ಕಂಡಿತು. ಇಶಾನ್ ಕಿಶಾನ್ 51 ರನ್ ಸಿಡಿಸಿದರು.