'ಕಳೆದ ರಾತ್ರಿಯ ಪಂದ್ಯ ಫಲಿತಾಂಶ ನಿರಾಶೆ ತಂದಿದೆ, ಆದರೂ ಸ್ಮರಣೀಯ ಸಂಜೆಯದು'-ಜಸ್‌ಪ್ರೀತ್‌ ಬುಮ್ರಾ

•   Tue, May 10 2022 03:53:24 PM



• ಮುಂಬೈ, ಮೇ 10 (DaijiworldNews/DB): ಮುಂಬೈ ಇಂಡಿಯನ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್‍ಸ್ ನಡುವೆ ಸೋಮವಾರ ರಾತ್ರಿ ನಡೆದ ಐಪಿಎಲ್ ಹಣಾಹಣಿಯಲ್ಲಿ ಮುಂಬೈ ಇಂಡಿಯನ್ಸ್‌ ಸೋಲಿಗೆ ಶರಣಾಗಿದೆ. ಜಸ್‌ಪ್ರೀತ್‌ ಬುಮ್ರಾ ಫೈವ್‌ಸ್ಟಾರ್‌ ಸಾಧನೆ ಮಾಡಿದರೂ ಸೋಲು ಬೆನ್ನು ಹತ್ತಿದ್ದ ಬಗ್ಗೆ ಬುಮ್ರಾ ಪಾಲಿಗೆ ನಿರಾಶೆಯಾದರೂ, ಸ್ಮರಣೀಯ ಸಂಜೆಯಾಗಿ ಉಳಿದಿದೆ.

  ಈ ಬಗ್ಗೆ ಟ್ವೀಟ್ ಮಾಡಿರುವ ಬುಮ್ರಾ, ಕಳೆದ ರಾತ್ರಿಯ ಫಲಿತಾಂಶದಿಂದ ನಿರಾಶೆಯಾಗಿದೆ ಆದರೆ ಸ್ಮರಣೀಯ ಸಂಜೆ," ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ ಪಂದ್ಯದ ಚೆಂಡಿನ ಫೋಟೋ ಮತ್ತು ಪಂದ್ಯದ ಸಮಯದಲ್ಲಿ ಸಂಭ್ರಮಿಸುತ್ತಿದ್ದ ಫೋಟೋವನ್ನು ಪೋಸ್ಟ್ ಅವರು ಮಾಡಿದ್ದಾರೆ.

  ಬ್ಯಾಟಿಂಗ್‌ನಲ್ಲಿ ವೈಫಲ್ಯ ಕಂಡಿದ್ದರಿಂದಾಗಿ ಎದುರಾಳಿ ಕೊಲ್ಕತ್ತಾ ನೈಟ್ ರೈಡರ್‍ಸ್ ಎದುರು 52 ರನ್‌ಗಳಿಂದ ಮುಂಬೈ ಇಂಡಿಯನ್ಸ್ ತಂಡ ಸೋಲೊಪ್ಪಿಕೊಳ್ಳಬೇಕಾಯಿತು.17.3 ಓವರ್‌ಗಳಲ್ಲಿ ಕೇವಲ 113 ರನ್‌ಗೆ ಈ ತಂಡ ಆಲೌಔಟಾಗಿ ಸೋಲಿನ ಹಾದಿ ಹಿಡಿಯಿತು. ರೋಹಿತ್ ಶರ್ಮಾ ಅವರು ಔಟಾದ ಬಳಿಕ ಇಶಾನ್ ಕಿಶನ್ ಬ್ಯಾಟಿಂಗ್ ಮಾಡಿ 51 ರನ್ ಪೇರಿಸಿದ್ದರಾದರೂ ಗೆಲುವಿನೆಡೆಗೆ ಸಾಗಲು ಸಾಧ್ಯವಾಗಲಿಲ್ಲ. ಆದರೆ ಈ ಹಿಂದೆ ವಿಳಂಬಧೋರಣೆಯಿಂದಾಗಿ ತಂಡದ ಅಸಮಾಧಾನಕ್ಕೆ ಕಾರಣವಾಗಿದ್ದ ಮುಂಬೈ ಇಂಡಿಯನ್ಸ್‌ ಸ್ಟಾರ್‌ ಬೌಲರ್‌ ಜಸ್‌ಪ್ರೀತ್‌ ಬುಮ್ರಾ ಫೈವ್‌ಸ್ಟಾರ್‌ ಸಾಧನೆ ಮಾಡಿರುವುದು ಕಳೆದ ರಾತ್ರಿಯ ಪಂದ್ಯದ ಹೈಲೈಟ್. ಕೇವಲ 10 ರನ್‌‌ನಲ್ಲಿ 5 ವಿಕೆಟ್‌ ಉರುಳಿಸಿದ್ದರಿಂದ ಕೆಕೆಆರ್‌ 9 ವಿಕೆಟ್‌ ನಷ್ಷವಾಗಿ ಕೇವಲ 165 ರನ್‌ ಗಳಿಸಲು ಶಕ್ತವಾಯಿತು. ಈ ಎಲ್ಲಾ ಬೆಳವಣಿಗೆಗಳ ನಡುವೆಯೂ ಬುಮ್ರಾ ಟ್ವೀಟ್ ಮಾಡಿದ್ದು, ಸೋಲು ನಿರಾಶೆ ತಂದಿದ್ದರೂ, ಸಾಧನೆ ಸ್ಮರಣೀಯವಾಗಿರುವ ಕುರಿತು ಬರೆದುಕೊಂಡಿದ್ದಾರೆ. ಬುಮ್ರಾ ಹಾಗೂ ಮುಂಬೈ ಇಂಡಿಯನ್ಸ್ ಅಭಿಮಾನಿಗಳೂ ನಿನ್ನೆಯ ಸಾಧನೆ ಬಗ್ಗೆ ಮಿಶ್ರ ಸಂತೋಷವನ್ನು ಅನುಭವಿಸಿದ್ದಾರೆ.

  Disappointed with last night’s result but a memorable evening nevertheless 💯 pic.twitter.com/rdhJR46uBU

  — Jasprit Bumrah (@Jaspritbumrah93) May 10, 2022