Sports
ನಾಕೌಟ್‌ ಹಂತಕ್ಕೆ ಪಾಸಾಗದಕ್ಕೆ ತಂದೆಯಿಂದ ಒದೆ ತಿಂದ ಶಿಖರ್‌ ಧವನ್
- Fri, May 27 2022 11:07:01 AM
-
ಮುಂಬೈ, ಮೇ 27 (DaijiworldNews/DB): ಐಪಿಎಲ್‌ನ 15ನೇ ಆವೃತ್ತಿಯಲ್ಲಿ ಪ್ಲೇ-ಆಫ್ಸ್‌ ಹಂತಕ್ಕೇರುವಲ್ಲಿ ವಿಫಲವಾದ ಪಂಜಾಬ್‌ ಕಿಂಗ್ಸ್‌ ತಂಡದ ಬ್ಯಾಟರ್‌ ಶಿಖರ್‌ ಧವನ್ ಇನ್‌ಸ್ಟಾಗ್ರಾಂನಲ್ಲಿ ಫನ್ನೀ ವೀಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ತಂಡವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ವಿಫಲವಾದದ್ದಕ್ಕೆ ಶಿಖರ್‌ ತಂದೆ ಶಿಖರ್‌ಗೆ ಹಿಗ್ಗಾಮುಗ್ಗ ಒದೆ ನೀಡಿರುವ ವೀಡಿಯೋ ಇದಾಗಿದೆ.
ಐಪಿಎಲ್‌ ನ ಈ ಬಾರಿಯ ಟೂರ್ನಿಯಲ್ಲಿ ಪಂಜಾಬ್‌ ತಂಡದಲ್ಲಿ ಅತಿ ಹೆಚ್ಚು ರನ್‌ ಗಳಿಸಿದ ಬ್ಯಾಟರ್‌ ಶಿಖರ್‌ ಧವನ್. ಆದರೆ ಪ್ಲೇ ಆಫ್ಸ್‌ ಹಂತಕ್ಕೇರುವಲ್ಲಿ ತಂಡ ವಿಫಲವಾಯಿತು. ಮಗ ತಂಡವನ್ನು ಮುನ್ನಡೆಸುವ ಕನಸು ಕಂಡಿದ್ದ ತಂದೆಗೆ ಇದರಿಂದ ನಿರಾಶೆಯಾಗಿದೆ. ಅದಕ್ಕಾಗಿ ಮಗ ಶಿಖರ್‌ ಧವನ್‌ಗೆ ಹಿಗ್ಗಾಮುಗ್ಗ ಒದೆ ನೀಡಿದ್ದಾರೆ. ಶಿಖರ್‌ ತನ್ನ ತಂದೆಯಿಂದ ಒದೆ ತಿಂದಿರುವ ವೀಡಿಯೋವನ್ನು ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದು, ನಾಕೌಟ್‌ ಹಂತಕ್ಕೆ ಪಾಸಾಗದ ಕಾರಣ ನನ್ನ ತಂದೆಯವರ ಕೈಯಿಂದ ನಾಕೌಟ್‌ ಸಿಕ್ಕಿದೆ ಎಂದು ಬರೆದುಕೊಂಡಿದ್ದಾರೆ. ಅಭಿಮಾನಿಗಳು ಮತ್ತು ಮಾಜಿ, ಹಾಲಿ ಕ್ರಿಕೆಟಿಗರು ಇದಕ್ಕೆ ಕಮೆಂಟ್‌ ಮಾಡಿದ್ದಾರೆ. ವೀಡಿಯೋಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ. ಮಾಜಿ ಕ್ರಿಕೆಟಿಗರಾದ ಹರ್ಭಜನ್‌ ಸಿಂಗ್‌, ಇರ್ಫಾನ್‌ ಪಠಾಣ್ ಮತ್ತು ಪಂಜಾಬ್‌ ಕಿಂಗ್ಸ್‌ ಆಲ್‌ರೌಂಡರ್‌ ಹರಪ್ರೀತ್‌ ಬ್ರಾರ್‌ ಸೇರಿದಂತೆ ಹಲವರು ಕಾಮೆಂಟ್‌ ಮಾಡಿದ್ದಾರೆ.
ಮಯಾಂಕ್‌ ಅಗರ್ವಾಲ್‌ ಸಾರಥ್ಯದ ಪಂಜಾಬ್‌ ಕಿಂಗ್ಸ್‌ ತಂಡ ಕಳಪೆ ಪ್ರದರ್ಶನ ನೀಡಿದ ಕಾರಣ 14 ಪಂದ್ಯಗಳಲ್ಲಿ 7 ಜಯ ದಾಖಲಿಸಲಷ್ಟೇ ಶಕ್ತವಾಯಿತು. ಶಿಖರ್‌ ಧವನ್ 14 ಪಂದ್ಯಗಳಲ್ಲಿ 3 ಅರ್ಧ ಶತಕಗಕೊಳದಿಗೆ 460 ರನ್‌ ಪಡೆದಿದ್ದಾರೆ.
ಚಾನಲ್ ಫಾಲೋ ಮಾಡಿ
