ಅಹಮದಾಬಾದ್: ಬಟ್ಲರ್ ಅಬ್ಬರಕ್ಕೆ ಆರ್ ಸಿಬಿ ಐಪಿಎಲ್ ಪೈನಲ್ ಪ್ರವೇಶ ಕನಸು ನುಚ್ಚುನೂರು-ರಾಜಸ್ಥಾನಕ್ಕೆ ಭರ್ಜರಿ ಗೆಲುವು

•   Fri, May 27 2022 09:47:04 PM



• ಅಹಮದಾಬಾದ್, ಮೇ 27 (DaijiworldNews/SM): ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಟಿ-೨೦ ಪಂದ್ಯದಲ್ಲಿ ಬಟ್ಲರ್ ಅಬ್ಬರದ ಬ್ಯಾಟಿಂಗ್ ನೆರವಿನಿಂದ ರಾಜಸ್ಥಾನ ಭರ್ಜರಿ ಗೆಲುವಿನೊಂದಿಗೆ ಹದಿನೈದನೇ ಆವೃತ್ತಿಯ ಐಪಿಎಲ್ ಫೈನಲ್ ಪ್ರವೇಶಿಸಿದೆ.

  ರಾಜಸ್ಥಾನ ರಾಯಲ್ಸ್ ತಂಡದ ವಿರುದ್ಧ ನಡೆಯುತ್ತಿರುವ ಎರಡನೇ ಕ್ವಾಲಿಫೈಯರ್ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಬೆಂಗಳೂರು ತಂಡ ಇಪ್ಪತ್ತು ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿತು.

  ಆರ್ ಸಿಬಿ ತಂಡದ ಬ್ಯಾಟ್ಸ್ ಮನ್ ಗಳ ಆಟ ರಾಜಸ್ಥಾನ ಬೌಲರ್ ಗಳ ಮುಂದೆ ನಡೆಯಲಿಲ್ಲ. ಮತ್ತೊಮ್ಮೆ ತಂಡಕ್ಕೆ ನೆರವಾಗಿದ್ದು ರಜತ್ ಪಟೀದಾರ್. 58 ರನ್ ಸಿಡಿಸಿ ತಂಡದ ಮೊತ್ತ ಹೆಚ್ಚಳಕ್ಕೆ ನೆರವಾದರು. ಡ್ಯುಪ್ಲೆಸಿಸ್ 25, ಮ್ಯಾಕ್ಸ್ ವೆಲ್ 24 ರನ್ ಸಿಡಿಸಿದರು.

  ಇದಕ್ಕೆ ಉತ್ತರವಾಗಿ ರಾಜಸ್ಥಾನ 18.1 ಓವರ್ ನಲ್ಲಿ ಮೂರು ವಿಕೆಟ್ ನಷ್ಟಕ್ಕೆ 161 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು. ಬಟ್ಲರ್ ಅಜೇಯ 106 ರನ್ ಗಳಿಸಿ ತಂಡದ ಗೆಲುವಿನ ರುವಾರಿ ಎಣಿಸಿಕೊಂಡಿದರಲ್ಲದೆ, ನಾಲ್ಕನೇ ಶತಕ ಸಿಡಿಸಿ ಸಂಭ್ರಮಿಸಿದರು.