Sports
ಚಹಲ್ ಪತ್ನಿ ಜೊತೆ ಬಟ್ಲರ್‌ ಡ್ಯಾನ್ಸ್‌-ಸಖತ್‌ ಸ್ಟೆಪ್‌ ಹಾಕಿದ ಬ್ಯಾಟರ್‌
- Tue, May 31 2022 12:41:35 PM
-
ಅಹಮದಾಬಾದ್‌, ಮೇ 31 (DaijiworldNews/DB): ರಾಜಸ್ಥಾನ್‌ ರಾಯಲ್ಸ್‌ ತಂಡದ ಸ್ಫೋಟಕ ಬ್ಯಾಟರ್‌ ಜೋಸ್‌ ಬಟ್ಲರ್‌ ಅವರಿಗೆ ಯಜ್ವೇಂದ್ರ ಚಹಲ್ ಪತ್ನಿ ಧನಶ್ರೀ ವರ್ಮಾ ಡ್ಯಾನ್ಸ್‌ ಹೇಳಿಕೊಟ್ಟಿರುವ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್‌ ವೈರಲ್‌ ಆಗಿದೆ.
ಐಪಿಎಲ್‌ ಅಂತಿಮ ಪಂದ್ಯ ಮುಗಿದ ಬಳಿಕ ಆಟಗಾರರು ತಮ್ಮ ಡ್ರೆಸ್ಸಿಂಗ್‌ ರೂಂನಲ್ಲಿ ಪಂದ್ಯ ಮುಗಿದ ಖುಷಿಯಲ್ಲಿ ಸಣ್ಣ ಸೆಲೆಬ್ರೇಶನ್‌ನ್ನು ಹಮ್ಮಿಕೊಂಡಿದ್ದರು. ಈ ಸೆಲೆಬ್ರೇಶನ್‌ನಲ್ಲಿ ಆಟಗಾರರೊಂದಿಗೆ ಅವರ ಪತ್ನಿಯರೂ ಪಾಲ್ಗೊಂಡಿದ್ದರು. ಸ್ವತಃ ಡ್ಯಾನ್ಸರ್‌ ಆಗಿರುವ ಚಹಲ್ ಪತ್ನಿ ಧನಶ್ರೀ ಈ ವೇಳೆ ಸಖತ್‌ ಸ್ಟೆಪ್‌ ಹಾಕಿದ್ದಲ್ಲದೆ, ಜೋಸ್‌ ಬಟ್ಲರ್‌ ಅವರಿಗೂ ಡ್ಯಾನ್ಸ್‌ ಹೇಳಿಕೊಟ್ಟಿದ್ದಾರೆ. ಮೊದಲಿಗೆ ಪಂಜಾಬಿ ಹಾಡೊಂದಕ್ಕೆ ಚಹಲ್, ಪತ್ನಿ ಧನಶ್ರೀ ಹಾಗೂ ಬಟ್ಲರ್‌ ಅವರು ನೃತ್ಯ ಮಾಡುತ್ತಾರೆ. ಆದರೆ ಪತ್ನಿ ಹೇಳಿಕೊಟ್ಟ ಸ್ಟೆಪ್‌ಗಳನ್ನು ಹಾಕಲಾಗದೆ ಚಹಲ್ ಹಿಂದೆ ಸರಿದಿದ್ದಾರೆ. ಬಟ್ಲರ್‌ ಮಾತ್ರ ಸ್ಟೆಪ್‌ ಹಾಕಿ ಡ್ಯಾನ್ಸ್‌ ಮಾಡಿದ್ದಾರೆ.
ಈ ಹಿಂದೆಯೂ ಚಹಲ್ ತಮ್ಮ ಹೆಂಡತಿಯೊಂದಿಗೆ ಡ್ಯಾನ್ಸ್‌ ಮಾಡಿದ ವೀಡಿಯೋ ವೈರಲ್‌ ಆಗಿತ್ತು. ಈ ವೈರಲ್‌ ವೀಡಿಯೋಗೆ ಜೋಸ್‌ ಬಟ್ಲರ್‌ ನೈಸ್‌ ಮೂವ್‌ ಚಹಲ್ ಎಂಬುದಾಗಿ ಕಮೆಂಟ್‌ ಮಾಡಿದ್ದರು. ಪಂದ್ಯ ಮುಗಿದ ಬಳಿಕ ಬಟ್ಲರ್‌ ಅವರೇ ಧನಶ್ರೀ ಜೊತೆ ಡ್ಯಾನ್ಸ್‌ ಮಾಡಿದ್ದಾರೆ.
ಚಾನಲ್ ಫಾಲೋ ಮಾಡಿ
