'ನಿರೀಕ್ಷೆಗಳು ನೋವು ಕೊಡುತ್ತವೆ'-ಟೀಂ ಇಂಡಿಯಾದಲ್ಲಿ ಅವಗಣಿಸಿದ್ದಕ್ಕೆ ರಾಹುಲ್ ತೆವಾತಿಯಾ ಬೇಸರ

•   Thu, Jun 16 2022 10:54:48 AM



• ಮುಂಬೈ, ಜೂ 16 (DaijiworldNews/DB): ಐಪಿಎಲ್‌ನಲ್ಲಿ ಉತ್ತಮ ಪ್ರದರ್ಶನ ತೋರಿದ್ದರೂ, ತಮ್ಮನ್ನು ಐರ್ಲೆಂಡ್ ವಿರುದ್ದದ ಟಿ 20 ಸರಣಿಗೆ ಪರಿಗಣಿಸದೆ ಅವಗಣನೆ ಮಾಡಲಾಗಿದೆ ಎಂದು ರಾಹುಲ್ ತೆವಾತಿಯಾ ಅಸಮಾಧಾನ ಹೊರ ಹಾಕಿದ್ದಾರೆ.

  ಐರ್ಲೆಂಡ್ ವಿರುದ್ದ ಟಿ 20 ಸರಣಿಗೆ ಟೀಂ ಇಂಡಿಯಾದ ಆಟಗಾರರ ಪಟ್ಟಿ ಪ್ರಕಟವಾಗಿದ್ದು, ಐಪಿಎಲ್‌ನಲ್ಲಿ ಉತ್ತಮ ಪ್ರದರ್ಶನ ತೋರಿದ ಹಲವರಿಗೆ ಮಣೆ ಹಾಕಲಾಗಿದೆ. ಆದರೆ, ರಾಹುಲ್ ತೆವಾತಿಯಾ ಅವರ ಹೆಸರು ಈ ಪಟ್ಟಿಯಲ್ಲಿ ಇಲ್ಲ. ಅವಕಾಶ ಸಿಗಬಹುದೆಂಬ ನಿರೀಕ್ಷೆಯಲ್ಲಿದ್ದ ರಾಹುಲ್ ತೆವಾತಿಯಾ ಇದೀಗ ಅವಕಾಶ ವಂಚಿತರಾಗಿರುವುದರಿಂದ ಬೇಸರಗೊಂಡಿದ್ದಾರೆ. ಅಲ್ಲದೆ ತಮ್ಮ ಮನದಾಳದ ಬೇಸರವನ್ನು ಟ್ವಿಟರ್ ಮೂಲಕ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ನಿರೀಕ್ಷೆಗಳು ನೋವು ಕೊಡುತ್ತವೆ ಎಂಬುದಾಗಿ ಯುವ ಆಟಗಾರ ಟ್ವಿಟರ್ ನಲ್ಲಿ ಬರೆದುಕೊಂಡಿದ್ದಾರೆ. ಅದಕ್ಕೆ ದುಃಖದ ಎರಡು ಇಮೋಜಿಗಳನ್ನೂ ಹಾಕಿದ್ದಾರೆ. ಈಗ ರಾಹುಲ್‌ ಅವರ ಟ್ವೀಟ್‌ನ್ನು ಹಲವರು ರೀಟ್ವೀಟ್ ಮಾಡಿದ್ದಲ್ಲದೆ, ಕಾಮೆಂಟ್‌ಗಳ ಮೂಲಕ ಅವರಿಗೆ ಸಾಂತ್ವನ ಹೇಳುವ ಕೆಲಸ ಮಾಡಿದ್ದಾರೆ.

  ಸದ್ಯದಲ್ಲೇ ನಿಮಗೆ ಅವಕಾಶ ಸಿಗಬಹುದು. ತಾಳ್ಮೆ ಕಳೆದುಕೊಳ್ಳದಿರಿ ಎಂದು ಅಭಿಮಾನಿಗಳು ಸಲಹೆ ಮಾಡಿದ್ದಾರೆ. ಐಪಿಎಲ್‌ನಲ್ಲಿ ಗುಜರಾತ್ ಟೈಟಾನ್ಸ್‌ ಪರ ಆಡಿದ್ದ ರಾಹುಲ್ ತೆವಾತಿಯಾ ಉತ್ತಮ ಪ್ರದರ್ಶನ ತೋರುವ ಮೂಲಕ ಮಿಂಚಿದ್ದರು.

  Expectations hurts 😒😒

  — Rahul Tewatia (@rahultewatia02) June 15, 2022