ಇಂಡೋ-ಆಫ್ರಿಕಾ ನಡವಿನ ಟಿ20 ಸರಣಿಯ ಅಂತಿಮ ಪಂದ್ಯಾಟ ಬೆಂಗಳೂರಿನಲ್ಲಿ

•   Sat, Jun 18 2022 01:03:19 PM



• ನವದೆಹಲಿ, ಜೂ 18 (DaijiworldNews/DB): ಟೀಮ್​​ ಇಂಡಿಯಾ ಮತ್ತು ದಕ್ಷಿಣ ಆಫ್ರಿಕಾ ನಡವಿನ ಟಿ20 ಸರಣಿಯ ಅಂತಿಮ ಪಂದ್ಯಾಟ ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಭಾನುವಾರ ನಡೆಯಲಿದೆ.

  

  ಇಂಡೋ-ಆಫ್ರಿಕಾ ನಡುವಿನ ಪಂದ್ಯಾಟವು ಇದೀಗ ಅಂತಿಮ ಹಂತದಲ್ಲಿದ್ದು, ಇನ್ನೊಂದು ಮ್ಯಾಚ್‌ ಬಾಕಿ ಉಳಿದಿದೆ. ಇಲ್ಲಿ ಗೆದ್ದವರು ಸರಣಿಯ ಚಾಂಪಿಯನ್‌ ಪಟ್ಟ ಮುಡಿಗೇರಿಸಿಕೊಳ್ಳಲಿದ್ದಾರೆ. ಹೀಗಾಗಿ ಈ ಪಂದ್ಯವು ಕುತೂಹಲ ಹೆಚ್ಚಿಸಿದೆ. ಇನ್ನು ಈ ಪಂದ್ಯವು ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುವುದರಿಂದ ಕರ್ನಾಟಕದ ಕ್ರಿಕೆಟ್‌ ಅಭಿಮಾನಿಗಳು ಹೆಚ್ಚಿನ ಕುತೂಹಲದಲ್ಲಿದ್ದಾರೆ. ಭಾನುವಾರವೇ ಪಂದ್ಯ ನಡೆಯುವುದರಿಂದರ ಮತ್ತು ವೀಕೆಂಡ್‌ ಮೂಡ್‌ನಲ್ಲಿರುವ ಕ್ರಿಕೆಟ್‌ ಅಭಿಮಾನಿಗಳು ರಿಲ್ಯಾಕ್ಸ್‌ ಆಗಿಯೇ ಪಂದ್ಯ ವೀಕ್ಷಣೆ ಮಾಡಬಹುದು. ಗೆಲುವಿಗಾಗಿ ಎರಡೂ ತಂಡಗಳೂ ಜಿದ್ದಾಜಿದ್ದಿನ ಹೋರಾಟ ನಡೆಸಲಿವೆ.

  ಈಗಾಗಲೇ ದೆಹಲಿ ಮತ್ತು ಕಟಕ್‌ನಲ್ಲಿ ನಡೆದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ 2-0 ಮುನ್ನಡೆ ಸಾಧಿಸಿ ಗೆದ್ದು ಬೀಗಿದರೆ, ವಿಶಾಖಪಟ್ಟಣಂ ಮತ್ತು ರಾಜ್‌ಕೋಟ್‌ನಲ್ಲಿ 2-2ಕ್ಕೆ ಮುನ್ನಡೆ ಸಾಧಿಸುವ ಮೂಲಕ ಗೆಲುವು ಟೀಂ ಇಂಡಿಯಾದ್ದಾಗಿತ್ತು. ಇನ್ನು ಅಂತಿಮ ಹಣಾಹಣಿಯಲ್ಲಿ ಗೆಲುವು ಯಾ ರಪಾಲಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.