ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ದುಬಾರಿ ಬೆಲೆಯ ಕಾರು ಅಪಘಾತ

•   Wed, Jun 22 2022 01:26:13 PM



• ನವದೆಹಲಿ, ಜೂ 22 (DaijiworldNews/DB): ಲೆಜೆಂಡರಿ ಫುಟ್ಬಾಲ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ದುಬಾರಿ ಬೆಲೆಯ ಕಾರು ಸ್ಪೈನ್‌ನಲ್ಲಿ ಅಪಘಾತಕ್ಕೀಡಾಗಿದ್ದು, ಕಾರು ಮುಂಭಾಗ ಸಂಪೂರ್ಣ ಜಖಂಗೊಂಡಿದೆ.

  ರೊನಾಲ್ಡೊ ಅವರ 16 ಕೋಟಿ ರೂ. ಬೆಲೆಯ ಬುಗಾಟಿ ಕಾರು ನಿನ್ನೆ ಬೆಳಗ್ಗೆ ಮಜೋರ್ಕಾವದಲ್ಲಿ ಅಪಘಾತಕ್ಕೀಡಾಗಿದೆ. ವರದಿಗಳ ಪ್ರಕಾರ ಮನೆಯೊಂದರ ಮುಂಭಾಗಕ್ಕೆ ಕಾರು ಗುದ್ದಿದ್ದು, ಗುದ್ದಿದ ರಭಸಕ್ಕೆ ಕಾರಿನ ಮುಂಭಾಗ ನಜ್ಜುಗುಜ್ಜಾಗಿದೆ.

  ಪ್ರಸ್ತುತ ಕ್ರಿಸ್ಟಿಯಾನೋ ಅವರು ರಜೆಯನ್ನು ಕಳೆಯಲು ಕುಟುಂಬದೊಂದಿಗೆ ಸ್ಪೈನ್‌ಗೆ ಹೋಗಿದ್ದರು. ಕಾರನ್ನು ಅವರ ಸಹದ್ಯೋಗಿಯೊಬ್ಬರು ಚಾಲನೆ ಮಾಡುತ್ತಿದ್ದರು. ಬೆಳಗ್ಗೆ ಸಿಟಿ ರೌಂಡ್ ಹಾಕುತ್ತಿದ್ದ ವೇಳೆ ಘಟನೆ ಸಂಭವಿಸಿದೆ ಎನ್ನಲಾಗಿದೆ. ಸ್ಥಳೀಯ ಪೊಲೀಸರು ಸ್ಥಳಕ್ಕೆ ಆಗಮಿಸಿದ್ದು, ಪರಿಶೀಲನೆ ನಡೆಸಿದ್ದಾರೆ. ಕಾರಿನಲ್ಲಿದ್ದವರಿಗೆ ಯಾವುದೇ ಗಾಯಗಳಾಗಿಲ್ಲ. ಆದರೆ ಕಾರಿನ ಮುಂಭಾಗ ಸಂಪೂರ್ಣ ಜಖಂ ಆಗಿದೆ ಎನ್ನ;ಲಾಗಿದೆ.