ಜೋ ರೂಟ್‌ನಂತೆ ಬ್ಯಾಟ್‌ ಬ್ಯಾಲೆನ್ಸ್‌ ಮಾಡಲು ಕೊಹ್ಲಿ ವಿಫಲ-ವೀಡಿಯೋ ವೈರಲ್

•   Fri, Jun 24 2022 10:49:39 AM



• ನವದೆಹಲಿ, ಜೂ 24 (DaijiworldNews/DB): ಇಂಗ್ಲೆಂಡ್ ಟೆಸ್ಟ್‌ ಮಾಜಿ ನಾಯಕ ಜೋ ರೂಟ್‌ ಅವರಂತೆ ಬ್ಯಾಟ್‌ನ್ನು ಕೈಯಲ್ಲಿ ಹಿಡಿದುಕೊಳ್ಳದೆ ನಿಲ್ಲಿಸಲು ನೋಡಿದ ಕೊಹ್ಲಿ ಇದರಲ್ಲಿ ವಿಫಲರಾಗಿದ್ದಾರೆ. ಎಷ್ಟೇ ಕಷ್ಟ ಪಟ್ಟರೂ ಬ್ಯಾಟ್‌ನ್ನು ನಿಲ್ಲಿಸಲು ಕೊಹ್ಲಿಗೆ ಸಾಧ್ಯವಾಗಿಲ್ಲ. ಕೊಹ್ಲಿಯ ಈ ಪ್ರಯತ್ನದ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  ನ್ಯೂಜಿಲೆಂಡ್ ಮತ್ತು ಇಂಗ್ಗೆಂಡ್‌ ನಡುವಿನ ಟೆಸ್ಟ್ ಪಂದ್ಯದ ವೇಳೆ ಜೋ ರೂಟ್ ಅವರು ತಮ್ಮ ಬ್ಯಾಟ್‌ನ್ನು ಹಿಡಿದುಕೊಳ್ಳದೆ ಪಕ್ಕದಲ್ಲಿ ಸ್ವಲ್ಪ ಹೊತ್ತು ಬ್ಯಾಲೆನ್ಸ್ ಮಾಡಿ ನಿಲ್ಲಿಸಿದ್ದರು. ಜೋರೂಟ್‌ನ ಈ ಮ್ಯಾಜಿಕ್‌ ನೋಡಿ ಅಭಿಮಾನಿಗಳು ಮಾತ್ರವಲ್ಲದೆ, ವಿಶ್ವದ ಹಲವು ಮಂದಿ ಬೆರಗಾಗಿದ್ದರು. ಇದೀಗ ಕೊಹ್ಲಿ ಅವರು ಅಭ್ಯಾಸ ಪಂದ್ಯದ ವೇಳೆ ಜೋ ರೂಟ್ ಮಾಡಿದಂತೆ ಬ್ಯಾಟನ್ನು ಬ್ಯಾಲೆನ್ಸ್‌ ಆಗಿ ನಿಲ್ಲಿಸಲು ಹೋಗಿ ವಿಫಲರಾಗಿದ್ದಾರೆ. ಕೊಹ್ಲಿ ಎಷ್ಟೇ ಪ್ರಯತ್ನ ಪಟ್ಟರೂ ಜೋ ರೂಟ್‌ನಂತೆ ಮಾಡಲು ಅವರಿಂದ ಸಾಧ್ಯವಾಗಿಲ್ಲ.

  ಇನ್ನು ಕೊಹ್ಲಿಯ ಈ ಪ್ರಯತ್ನದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ. ಕೆಲವರು ಅವರ ಪ್ರಯತ್ನವನ್ನು ಹೊಗಳಿದರೆ, ಇನ್ನು ಕೆಲವರು ಅಪಹಾಸ್ಯ ಮಾಡಿದ್ದಾರೆ.

  Kohli tried to make his bat stand upright like Root 😭 pic.twitter.com/PJh32dsDPH

  — Chand (@AbhiShake_18) June 23, 2022